MAYO 23, 2025 — Nagtutuon na ngayon ang mga nangungunang real estate firms sa high-end residential projects, ayon sa S&P Global Ratings. Inaasahan nilang ang mayayamang mamimili ang magpapaandar ng growth habang bumabagal ang bentahan sa mass market.

Pinapabilis nina Ayala Land, Megaworld, Robinsons Land, at SM Prime Holdings — na hawak ang 60% ng market value ng sektor — ang investments sa premium developments. Umiwas na muna sila sa mid-range housing dahil sa tumataas na interest rates at inflation, na nagpapahirap sa middle-class buyers. Dahil dito, sobra-sobra na ang supply ng affordable condos sa Metro Manila.

“Wealthy homebuyers are less sensitive to inflation and interest-rate hikes. Inventory levels remain low in the premium segment,” sabi ng S&P.

(Hindi gaanong apektado ng inflation at interest-rate hikes ang mayayamang homebuyers. Mababa pa rin ang inventory levels sa premium segment.)

5% lang ng total housing stock sa Metro Manila ang luxury properties, kaya mas madali itong maibenta ng mga developer.

Kahit may economic uncertainty, tuloy pa rin ang aggressive expansion plans ng mga developer, na pinopondohan ng utang. Umakyat ng 44% ang combined borrowings nila mula 2019 hanggang 2024, habang 12% lang ang pagtaas ng core earnings. Inaasahan ng S&P na mananatiling mataas ang leverage sa susunod na dalawang taon dahil sa tuloy-tuloy na paggastos.

Pero mas malakas pa rin ang mga giant developer kumpara sa maliliit, dahil sa mas malaking profit margins at mas madaling access sa low-cost financing. Ang paglipat nila sa premium builds ay sumasalamin lamang sa mas malaking trend: kapag mahirap na ang affordability, targetin ang mga buyer na hindi tumitingin sa presyo.

(Larawan: Ayala Land Premier)