HUNYO 6, 2025 — Ibinasura ng korte sa San Fernando ang paghahabol ng Shipside Inc. sa isang 543-square-meter na lupain sa loob ng Poro Point Freeport Zone (PPFZ), at pinatibay ang hawak ng gobyerno sa importanteng economic hub na ito.

Itinuring ng Bases Conversion and Development Authority (BCDA), na namamahala sa 236.5-hectare na zone, ang pasya bilang isang "critical milestone" para masiguro ang pag-unlad ng lugar bilang pangunahing investment at tourism hub sa Northern Luzon.

Iginiit ng Shipside, kasama ang kanilang predecessors, na sila ang nagmamayari ng lupa nang ilang dekada na.

"This legal affirmation strengthens BCDA’s mandate over the property and paves the way for the continued advancement of its strategic development initiatives in PPFZ," the agency said in a statement.

(Ang legal na pagpapatibay na ito ay nagpapalakas sa mandato ng BCDA sa lupain at nagbubukas ng daan para sa mas pinaunlad na mga strategic na proyekto sa PPFZ.)

Lumalago ang PPFZ sa San Fernando City, La Union bilang sentro ng trade at leisure. Matatagpuan dito ang San Fernando seaport at airport, mahahalagang daanan para sa regional connectivity, pati ang 65-hectare na Thunderbird Resorts, isang luxury getaway na nagpapasigla sa turismo sa lugar.

Dati itong US Wallace Air Station, at ngayon ay madaling puntahan dahil sa mga expressway tulad ng North Luzon Expressway (NLEX) at Tarlac-Pangasinan-La Union Expressway (TPLEX), kaya naman atraktibo ito sa mga investor.

Inaasahan ng BCDA na mas mabilis na ang pag-unlad ng logistics, tourism, at commercial projects sa zone ngayong nalutas na ang legal na balakid.

(Larawan: Poro Point Management Corporation)