HUNYO 18, 2025 — Umabot sa halos 40,000 ang bagong sasakyang naibenta sa Pilipinas noong Mayo, ayon sa datos ng industriya na inilabas noong Miyerkules. Sinabi ng Chamber of Automotive Manufacturers of the Philippines Inc. (CAMPI) at Truck Manufacturers Association (TMA) na 39,775 ang naipagbili — mas mataas ng 18.4% kaysa noong Abril (33,580) pero bahagyang mas mababa kumpara noong Mayo 2023 (40,271).

Dominated ng mga komersiyal na sasakyan ang bentahan, na bumubuo ng 80.15% o 31,880 unit, samantalang 19.85% o 7,895 unit ang mga passenger cars. Pati ang mga electric vehicle ay sumigla, na may 3,613 na naipagbili — kasama ang 2,792 hybrid, 801 battery-powered, at 20 plug-in hybrid.

Binigyang-diin ni CAMPI president Atty. Rommel Gutierrez na ang tuluy-tuloy na pagtaas ng bentahan, lalo na sa komersiyal na sasakyan, ay nagpapakita ng malaking papel ng automotive sector sa pagpapalakas ng ekonomiya.

Pinamunuan ng light commercial vehicles ang benta na may 23,671 unit, kasunod ng Asian utility vehicles [7,161], at trucks at buses [1,048 combined].

Nanguna pa rin ang Toyota sa merkado na may 48.13% share, sinundan ng Mitsubishi (19.23%), Nissan (5.18%), Suzuki (4.68%), at Ford (4.49%). Sa kabuuan ng taon, umabot sa 190,429 unit ang naipagbili — tumaas ng 1.7% kumpara noong 2023.

Nagpahayag ng pag-asa ang CAMPI para sa mga susunod na buwan, dahil sa malakas na demand at mga bagong modelong ilalabas. Target ng industriya ang makabenta ng 500,000 unit sa 2025.

(Larawan: Philippine News Agency)