April 15, 2025 — Nag-enjoy ang British actress na si Daisy Ridley sa local scenery habang nasa Pilipinas para sa latest niyang project.

Sa kanyang recent Instagram post, shinare ng Star Wars star ang ilang photos ng kanyang experience na tinawag niyang “paradise.” Makikita sa mga larawan si Daisy na nagbabasa ng libro sa beach, may island views, sunsets, at pati na rin monitor lizards!

Sabi ni Daisy sa caption: “The Philippines so far feat. paradise, monitor lizards, commuting to work by boat, sunsets and beautiful views everywhere you look,” giving fans a peek sa likod ng kanyang stay sa bansa.

Currently, nagshu-shoot si Daisy ng The Last Resort, isang romantic comedy na dinidirek ni Donald Petrie at sinulat ni Karen McCullah, na ipinanganak sa Pilipinas. Ayon sa post ni Daisy, two weeks na ang nakalipas simula nang magsimula ang filming.

Si Petrie ay kilala sa mga hit rom-coms tulad ng Miss Congeniality at How to Lose a Guy in 10 Days, habang si McCullah naman ang utak sa likod ng mga classics na 10 Things I Hate About You at Legally Blonde.

Makakasama ni Daisy sa pelikula si Alden Ehrenreich, na gumanap bilang young Han Solo sa Solo: A Star Wars Story. Para sa fans ng Star Wars, reunion ito ng dalawang paboritong bituin mula sa magkaibang bahagi ng galaxy.

Ang The Last Resort ay kwento ng isang hotel executive na ipinadala sa Pilipinas para maghanap ng bagong resort location. Dito niya makikilala si Ben, isang charming na charter pilot na posibleng baguhin ang kanyang pananaw—at ang kanyang mga plano.

Ang pelikula ay prinoduce nina Ernesto “Bong” Sta. Maria Jr. at Raja Collins, with Filipino business tycoon Manuel V. Pangilinan bilang executive producer. Kasama rin sa mga co-producers sina Simon Heo, Akshay Mehta, at Rick Dugdale.

Wala pang official release date, pero excited na ang mga fans sa tropical setting ng film at sa star-studded cast nito.