MAYO 9, 2025 — Sumiklab ang malakas na pagsabog, na pinaniniwalaang mula sa granada, sa isang health spa sa Barangay Obrero, Quezon City, nitong Huwebes ng hapon. Nagdulot ito ng panic sa mga nakapaligid. Ayon sa mga saksi, nakarinig sila ng napakalakas na putok bandang alas-2 ng hapon, na una nilang inakalang putok ng baril.

"Bigla na lang may sumabog na malakas na malakas tapos akala nga namin ng mga kasama ko is baril. Sabi nga namin ng mga kasama ko 'Hala, may nagbabarilan!' Then, lumabas kami. Pag labas ko, may usok. Akala ko naman sunog," kwento ng isang eyewitness.

Agad na pumunta sa lugar ang mga bumbero at natagpuang lubusang nasunog ang dalawang nakaparadang motorsiklo.

Kinumpirma ng mga awtoridad na walang nasaktan, ngunit itinuturing nilang sospetsoso ang insidente.

Wala pang pahayag ang pamunuan ng establisyimento.

Sa kasalukuyan, wala pang grupong nag-ako ng responsibilidad sa pagsabog.

(Larawan: YouTube)