Hulyo 10, 2025 — Maaari nang mag-renew ng lisensya ang mga motorista sa Pilipinas gamit ang bagong Online Driver’s License Renewal System (ODLRS) na bahagi ng eGovPH mobile app, ayon sa Land Transportation Office (LTO).

Ayon kay LTO Chief Assistant Secretary Atty. Vigor D. Mendoza II, “This is a better alternative for going to LTO offices since you don’t need to shell out money for transportation to our offices and don’t even need to queue in any license renewal offices.”

Pinapayagan ng ODLRS ang mga aplikante na:

• I-upload ang litrato ng harap at likod ng kanilang lisensya

• Sumailalim sa telemedicine medical exam

• Kumpletuhin ang Online Driver’s Enhancement Program (ODEP), isang limang-oras na kursong pang-edukasyon

• Magbayad ng renewal fees gamit ang online payment gateways

• Makakuha ng digital e-license na may bisa tulad ng pisikal na card, at maaaring makita sa app

Maaaring pumili ang aplikante kung ipapadala sa bahay ang kanilang pisikal na lisensya sa pamamagitan ng courier o kung kukunin ito sa pinakamalapit na LTO district office.

Binigyang-diin ni Transportation Secretary Vince Dizon ang kahalagahan ng sistema sa pagsugpo sa mga fixer at pagpapadali ng serbisyo: “You no longer need to go to an LTO office. You will no longer be victimized by fixers.”

Kinumpirma rin ni DICT Secretary Henry Aguda na kinikilala na ang e-license bilang opisyal kahit wala pang pisikal na kopya.

Tugma ang inisyatibang ito sa direktiba ni Pangulong Ferdinand Marcos Jr. na gawing mas accessible ang digital na serbisyong pampubliko. “We continue to evolve to further improve our digital services and expand the reach to all Filipinos even abroad,” dagdag pa ni Mendoza.