Sa gitna ng patuloy na pagbaha sa Sona 4, Barangay Malaban, Biñan City, kumilos ang mga kabataan ng grupong SONA KWATRO upang maihatid ang agarang tulong sa mga pamilyang lubhang naapektuhan ng kalamidad.

Namahagi sila ng bigas sa mga residente bilang bahagi ng kanilang relief operation, sa pakikipagtulungan ng mga indibidwal at organisasyong nagpaabot ng kanilang suporta:

• Richard Almazora (A2Z)
• Juanas Halo-Halo
• Francis Reyes
• Mayor Gel
• Konsehal Jedi Alatiit
• Konsehal Baloy Alatiit

Lubos ang pasasalamat ng mga benepisyaryo sa inisyatibang ito, na pinangunahan mismo ng kabataang liderato sa lugar. Ayon sa SONA KWATRO, mananatili silang aktibo sa pagtulong hangga’t hindi pa humuhupa ang baha at hangga’t may nangangailangan sa kanilang komunidad.

Isang inspirasyon ang ipinakita ng kabataan sa Sona 4—na sa kabila ng sariling pinagdadaanan, pinipili pa rin nilang maglingkod at magmalasakit para sa iba.