Alex Eala, ibinahagi ang hirap sa pagkuha ng visa bilang isang Filipino athlete
April 11, 2025 — Nag-open up ang rising tennis star na si Alex Eala tungkol sa mga hamon ng paglahok sa international tournaments habang hawak ang Philippine passport—isang realidad na kinahaharap ng maraming Pinoy athletes sa global stage.
Sa isang virtual press conference noong Tuesday, inamin ng 19-year-old WTA World No. 73 na isa sa pinakamalaking challenges niya ay ang pagkuha ng travel visas, lalo na’t hindi palagian ang schedule ng mga tennis tournaments.
“What’s challenging is being able to travel flexibly, with flexibility,” ani Eala. “You’re going to make a lot of last-minute choices. And it doesn’t allow you time to organize all of this every single time to have the visas ready.”
Naka-base si Eala ngayon sa Mallorca, Spain kung saan siya nagte-training sa Rafa Nadal Academy. Ayon sa kanya, madalas ma-delay o maapektuhan ang participation niya sa mga tournaments dahil sa visa process—isang malaking issue lalo na sa sport na mabilis magbago ang schedule.
Pero kahit pa sa dami ng abala, proud pa rin si Eala sa pagiging Pilipino. Highlight niya ang walang kapantay na suporta mula sa kapwa Pinoy, lalo na noong Miami Open kung saan ramdam niya ang pagmamahal ng fans.
“The best thing about being a Filipino athlete is the support and the Pinoys. You cannot find that kind of community anywhere else,” ani Eala.
Hindi rin nakakalimot si Eala sa kanyang roots—kilala siyang gumamit ng Filipino sa kanyang 2022 US Open girls' championship speech. Sa Miami Open, narinig din siyang bumibigkas ng mga Pinoy na motivational lines sa sarili habang nagpahinga sa mga laro.
“It doesn’t always happen verbally. Sometimes, it’s just in my head,” paliwanag niya. “You need to remind yourself what’s important when those moments come.”
Pagkatapos ng kanyang makasaysayang semifinals run sa Miami, naghahanda na si Eala para sa clay court season sa Oeiras Ladies Open sa Portugal. Isa rin siyang aabangan sa French Open ngayong May kung saan siya magde-debut sa Grand Slam main draw.
“I love tennis. It’s a beautiful sport,” sabi niya. “And seeing more Filipinos picking up rackets makes it all the more meaningful.”
Habang patuloy siyang umaakyat sa rankings, umaasa si Eala na magiging inspirasyon siya sa next generation ng mga Pinoy tennis players—one serve at a time.