OREM, UTAH — Isang malawakang manhunt ang isinagawa ng mga lokal, estado, at pederal na awtoridad upang mahuli ang salarin sa pagpatay kay Charlie Kirk, 31, isang kilalang conservative activist at tagapagtatag ng Turning Point USA. Si Kirk ay binaril habang nagsasalita sa isang pampulitikang pagtitipon sa Utah Valley University noong Setyembre 10, sa unang araw ng kanyang “American Comeback Tour.”

Ayon sa mga ulat, isang bala ang tumama sa leeg ni Kirk habang siya ay nakaupo sa entablado, kasunod ng isang tanong mula sa audience tungkol sa mass shootings sa Amerika. Agad siyang isinugod sa ospital ngunit idineklarang patay kalaunan.

Sa isang pahayag, kinumpirma ni Pangulong Donald Trump ang pagkamatay ni Kirk: “The Great, and even Legendary, Charlie Kirk, is dead. No one understood or had the Heart of the Youth in the United States of America better than Charlie. He was loved and admired by ALL, especially me, and now, he is no longer with us”.

Unang iniulat ng FBI Director Kash Patel na may “subject in custody,” ngunit kalaunan ay nilinaw na ang taong inaresto ay pinalaya matapos ang interogasyon. “The subject in custody has been released after an interrogation by law enforcement. Our investigation continues and we will continue to release information in interest of transparency,” ani Patel sa X (dating Twitter).

Kinilala ni Utah Governor Spencer Cox ang insidente bilang isang “political assassination” at nangakong papanagutin ang salarin. “We will find you, we will try you, and we will hold you accountable to the furthest extent of the law,” ani Cox. “And I just want to remind people that we still have the death penalty here in the state of Utah”.

Nagpahayag ng pagkabahala ang mga mambabatas mula sa magkabilang panig ng politika. “The idea that political violence has taken one of the strongest voices on the conservative side is a great heartbreak,” ani House Speaker Mike Johnson. Dagdag ni Senador Ruben Gallego: “Charlie Kirk was a husband, father, and son. Violence is never the answer”.

Sa kasalukuyan, patuloy ang paghahanap sa suspek. Ayon sa Utah Department of Public Safety, sinusuri na ang CCTV footage mula sa campus, kung saan makikitang nakasuot ng itim ang salarin. Wala pang natatagpuang armas, at nananatiling sarado ang unibersidad habang isinasagawa ang operasyon.

Si Charlie Kirk ay kilala bilang isa sa pinakamasigasig na tagapagsalita ng kabataang konserbatibo sa Amerika. Itinatag niya ang Turning Point USA noong siya ay 18 taong gulang, at naging malapit na kaalyado ni Pangulong Trump sa mga kampanya at adbokasiya.

Patuloy ang panawagan para sa hustisya mula sa kanyang pamilya, mga tagasuporta, at mga lider ng bansa. Sa gitna ng tumitinding tensyon sa politika, nananawagan ang marami ng pagkakaisa at pagtalima sa batas.

Larawan mula sa KJZZ