Kathmandu, Nepal — Ipinahayag ni Prime Minister K.P. Sharma Oli ang kanyang pagbibitiw noong September 9, 2025, matapos ang tumitinding protesta laban sa umano’y malawakang korapsyon sa pamahalaan. Ayon sa kanyang aide na si Prakash Silwal, opisyal na nang nag-resign siya matapos ang nakamamatay at marahas na kilos ng mga nagpoprotesta.

Ang pagbitiw ay naganap sa gitna ng malawak na protesta na pinamunuan ng mga kabataan—kilala bilang “Gen Z Protests”. Kabilang ang pag-aaklas na ito sa serye ng pagkondena sa ipinataw na social media ban at matinding galit laban sa katiwalian at nepotismo sa pamahalaan. Naitala ang hindi bababa sa 19 na nasawi at mahigit 100 nasugatan, matapos itong humantong sa radikal na kilos at paggamit ng dahas ng pulisya.

Sa kabila ng pagtanggal sa social media ban—na unang nagpasimuno ng protesta—tuloy pa rin ang pagkilos dahil sa lumalalang pagkamuhi sa katiwalian at kawalan ng transparency mula sa mga lider. Ayon  pa sa mga nagprotesta, hindi lamang ito laban sa censorship kundi laban na rin sa sistema ng pamamahala na tila pinapaboran ang iisang klaseng interes .

Higit pa rito, sinalakay ng mga nagpoprotesta ang ilang key government buildings, kabilang ang opisina at tirahan ni Oli. Binomba ng kabataan ang pag-aaksaya ng yaman at ininsist ang kanilang pagkondena sa political elite na tila walang malasakit sa pang-araw-araw na krisis ng ekonomiya at korapsyon .

Legal at human rights groups ay mismong nanawagan na imbestigahan ang paggamit ng lethal force laban sa mamamayan bilang paglabag sa pandaigdigang human rights norms 

Para kay Oli—isang politikal na beterano na apat na beses nang nanungkulan bilang PM—ang pagbibitiw ay tanda ng kagustuhang “bukas” ang daan tungo sa konstitusyonal na resolusyon ng krisis. Ayon sa kanya, ito'y hakbang para masiguro ang kapayapaan sa bansa at pagbawi ng tiwala mula sa mamamayan.

Ngunit tila hindi pa sapat ang kanyang desisyon para matigil ang unrest: patuloy ang protesta at mga tawag para sa mas malalim na reporma, hustisya para sa mga nasawi, at structural change sa sistema ng pamahalaan,

larawan/google