Mayo 3, 2025 — Ang South Korean pop rock band na DAY6 ay nagbabalik matapos ang matagal na paghihintay, sa pamamagitan ng kanilang bagong single na pinamagatang “Maybe Tomorrow,” na ilalabas sa Mayo 7, 2025 (Miyerkules) ng 5:00 PM (PHT). Kasama sa release na ito ang B-side track na “It’s Over,” at marks nito ang unang musical offering ng banda sa loob ng walong buwan, matapos ang kanilang mini-album na Band Aid noong Setyembre 2024, kasama na ang lead track nilang “Melt Down.”

Sa isang teaser trailer na inilabas bago ang single, ipinakita ng DAY6 ang emosyonal na lalim ng kanta, kung saan nagbahagi ang mga miyembro ng kanilang mga alalahanin ukol sa hinaharap. Ayon sa kanila, “not everyone dreams of the same tomorrow,” na nagbigay ng pahiwatig sa introspective na tema na aasahan ng mga fans mula sa track.

Noong unang bahagi ng taon, nagperform ang DAY6 sa Pilipinas sa kanilang unang pagtatanghal dito matapos ang limang taon, bilang bahagi ng kanilang Forever Young world tour. Ang Manila stop ay ginanap sa Smart Araneta Coliseum sa Quezon City noong Pebrero 22, 2025. Habang papalapit na ang pagtatapos ng tour, ang banda ay magtatapos ng anim na sold-out na shows sa KSPO Dome sa Seoul, na gaganapin sa dalawang magkakasunod na weekends—Mayo 9 hanggang 11 at Mayo 16 hanggang 18.

Larawan: DAY6/Facebook