HULYO 22, 2025 — Ibinunyag ni Kris Aquino ang lumalalang kalagayan ng kanyang kalusugan, kung saan 11 autoimmune diseases na ang kanyang kinakakaharap at wheelchair na ang kanyang kailangan. Sa isang Instagram Q&A noong Hulyo 21, ibinahagi ng dating TV host ang mga update kasama ang kanyang anak na si Bimby, na kakarecover lang mula sa matinding stomach flu.

“Bimby’s finally healthy after having a bad case of the stomach flu. The typhoon made my rheumatoid arthritis HURT so much,” isinulat niya.

(Gumaling na si Bimby matapos magkaroon ng malubhang stomach flu. Dahil sa bagyo, sobrang sumakit ang rheumatoid arthritis ko.)

Ipinaliwanag ni Kris, 54, na dahil sa mga komplikasyon ng kanyang sakit — kabilang ang lupus at Sjogren’s syndrome — ay lubhang naapektuhan ang kanyang paggalaw.

“Too bad I am now wheelchair bound … I still need to learn how to walk again.”

(Nakakalungkot, naka-wheelchair na ako ngayon … Kailangan ko pang matutong maglakad ulit.)

Sa ngayon, pansamantalang naninirahan siya sa property ng isang kaibigan ng kanyang kapatid sa labas ng Metro Manila.

“I am currently staying at the compound of a very kind friend of my brother. This place is very peaceful and living where I get fresh sea air and listen to the waves was always my dream,” dagdag niya.

(Nakatira ako ngayon sa compound ng isang mabait na kaibigan ng kapatid ko. Payapa dito, at ang pamumuhay sa tabi ng dagat ang matagal ko nang pangarap.)

Una nang inihayag ni Kris ang kanyang autoimmune diagnosis noong 2018, ngunit dumami na raw ang kanyang mga karamdaman.

“I now have 9 primary autoimmune diseases , # 10 is a result of the 9, and I have an 11th disease that came about because of my lupus, rheumatoid arthritis, Sjogren’s, and a few of my other autoimmune diseases,” sabi niya.

(Mayroon na akong 9 primary autoimmune diseases, ang ika-10 ay resulta ng 9, at may ika-11 pa ako na dulot ng lupus, rheumatoid arthritis, Sjogren’s, at iba pang autoimmune diseases.)

Sa kabila ng sakit, determinado siyang maging matatag para sa kanyang mga anak, lalo na kay Bimby na 18 anyos na ngayon.

*“I love my sons and they aren’t ready to lose me - especially Bimb who just turned 18.”*

(Mahal ko ang aking mga anak at hindi pa sila handang mawala ako — lalo na si Bimb na kakaganap lang ng 18.)

Binanggit din niya na unti-unti nang magiging aktibo si Bimby sa kanyang social media.

“I think you will like watching the 6’2" male version of me because he’s more down to earth, athletic, and super charming to all,” biro niya.

(Magugustuhan n’yo ang 6’2" na lalaking bersyon ko dahil mas simple, atletiko, at napakacharming niya.)

Nagkatagpo raw siya ng ginhawa sa pananampalataya.

“My therapy is listening to Christian and Catholic Contemporary music.”

(Ang therapy ko ay pakikinig sa Christian at Catholic Contemporary music.)

Dumagsa ang suporta ng mga fans sa comments, ngunit puro lighthearted na sagot ang ibinigay ni Kris, na nakatutok sa future content kasama si Bimby.

“We’ll answer the questions we find intriguing and worth answering,” pangako niya, bago nagpaalam: “Walang bastusan, please? Like this post & follow us?”

(Sasagutin namin ang mga tanong na interesting at worth answering. Walang bastusan, please? Like niyo ito at follow kami?)

(Larawan: Facebook)