Sa gitna ng pabago-bagong lagay ng panahon dulot ng climate change, mahalagang maging handa hindi lang ang sarili kundi pati na rin ang ating mga tahanan. Minsan matindi ang init, susundan ng biglaang pagbuhos ng ulan, at hindi rin nawawala ang banta ng bagyo. Kaya naman, ayon kay Architect Ed, panahon na upang gawing “climate change-ready” ang ating mga bahay.

“Hindi na sapat ang simpleng pagpapagawa ng bahay. Dapat smart ang design, matibay ang materyales, at may foresight sa mga posibleng epekto ng matitinding kondisyon ng panahon,” ani Architect Ed.

Narito ang ilang smart tips upang maging handa ang inyong bahay sa hamon ng climate change:

Gamitin ang tamang materyales. Piliin ang heat- at moisture-resistant materials gaya ng concrete hollow blocks na may insulation, metal roofing na may protective coating, at weather-treated wood kung kailangan.

Taas ng bahay ay mahalaga. Sa mga lugar na madaling bahain, i-consider ang pagtaas ng floor elevation ng bahay upang maiwasan ang pagpasok ng tubig.

Passive cooling at ventilation. Gumamit ng bintana na maayos ang airflow, ilagay sa tamang direksyon ang bukasan ng hangin, at isama ang mga natural cooling features tulad ng halaman sa paligid.

Rainwater catchment system. Magkaroon ng sistema para sa pag-iipon ng ulan upang magamit sa pagdidilig, paglilinis, o panligo tuwing tagtuyot.

Solar-ready o may backup energy. Sa harap ng posibilidad ng power interruptions tuwing bagyo, mainam ang pagkakaroon ng solar panel o kahit backup generator.

Iwasan ang substandard construction. Kahit nakakatipid sa simula, ang paggamit ng murang materyales ay posibleng magdulot ng mas malaking gastos sa pag-aayos sa kalaunan.

Ani Architect Ed, “Ang bahay ay hindi lang dapat maganda—dapat matalino rin ang disenyo nito para tumagal sa panahon ng pagbabago.”

Ngayong lumalala ang epekto ng climate change sa Pilipinas, panahon na para gawing mas ligtas, matibay, at sustainable ang ating tahanan. Tandaan: ang paghahanda ay hindi gastos, kundi investment sa kinabukasan.

Larawan mula  ChatGPT