October 24, 2025 — Pumanaw na ang kilalang choreographer at dancer na si Tita Ana Feliciano, isa sa mga haligi ng dance scene sa telebisyon, sa edad na hindi ibinunyag. Kilala siya bilang Solid Gold Dancer, MTB Dancer, Wowowee mentor, at miyembro ng G-Girls, at isa sa mga pinaka-respetadong choreographers sa industriya.

Nagpaabot ng pakikiramay ang kanyang pamilya, kaibigan, at mga dating estudyante sa balitang ito. Maraming artista at dancer ang nagpahayag ng lungkot sa pagkawala ng isang haligi ng telebisyon.

Nagbahagi ng kwento ang isa sa dancer na estudyante ni Ana aniya;

“College pa lang ako noong 1999 nang mag-audition ako sa ABS-CBN. Out of hundreds of 90’s dancers, mapalad ako na napili ni Tita Ana. Hindi niya pa ako kilala noon bilang Marlon, pero siya ang nagbansag sa akin ng ‘Manok’,” ani ang dancer.

Dagdag pa niya, “Grabe siyang mag-training sa amin. Buong puso ang disiplina, guidance, at choreography niya. Ang ayaw niya sa lahat: kapag may nagkamali sa camera at wala kang full energy. Hanggang ngayon, ginagamit ko pa rin ang mga tinuro niya sa Solid Gold at MTB trainings, at ramdam ko pa rin sa Zumba fitness ang galawan niyang Latina moves. Salamat po sa lahat ng itinuro mo, Tita Ana.”

Bukod sa kanyang husay sa pagsasanay ng mga dancer, kilala rin si Tita Ana sa kanyang “tiger look” kapag umaawra, sa mga precise at dynamic na galaw, at sa matapang na vocals sa tapings at trainings.

Maraming dancer at artista ang nagsabing malaki ang utang nila sa kanya sa kanilang tagumpay sa industriya. Isa siya sa mga pinakakilalang mentor sa dance community, na tumulong sa pagpapaunlad ng talento ng maraming henerasyon.

Nagpaabot ng pasasalamat at pakikiramay ang kanyang pamilya, kasama na si Kuya Rupert Feliciano. “Nakakabigla ang balita. Akala namin may reunion pa kami,” ani isang dating estudyante ni Tita Ana.

Si Tita Ana Feliciano ay iiwan ang kanyang alaala bilang isa sa mga legend sa telebisyon, lalo na sa larangan ng sayaw at choreography. Maraming dancer ang nagpahayag ng respeto at pasasalamat sa kanya sa social media.