Grabe naman ang latest chika, mga Marites! Agad na nag-react si Xian Gaza, ang tinaguriang “Pambansang Lalaking Marites,” matapos ireklamo ng cyber libel ni Michelle Marquez Dee sa National Bureau of Investigation (NBI) nitong Lunes, Pebrero 16.

Sa media, hindi direktang ibinahagi ni Michelle ang pinagmulan ng reklamo, pero mariing sinabi niya: “Hindi dapat i-normalize ang pagsasalita nang gano’n sa mga babae. Kailangan nating igalang ang privacy at karapatan ng kababaihan.”

Pero teka, mga Marites… baka nag-ugat ang kaso sa mga blind items at posts ni Xian na may kinalaman sa driver ni Rhian Ramos, pati na rin sa ilang kontrobersya sa social media. May mga reklamo rin laban kay Michelle na may kinalaman sa torture at illegal detention, habang siya naman ay nagsampa ng kaso sa driver dahil sa qualified theft. Ano kaya ang totoo dito?

Agad namang nag-react si Xian sa Facebook, at parang hindi niya pinalampas ang pagkakataon na magkumuda. Sa post niya, sinabing tila istratehikong hakbang ito ni Michelle para i-divert ang atensyon mula sa ibang isyu:

"Good move. Very strategic. Para ma-divert kay Xian Gaza Libel yung buong issue at malayo sa driver na binugbog at dinetain illegally. Ang news headlines, Michelle Dee VS Xian Gaza, tapos siya na ngayon ang bida. Pero think about it, nakatulong pa nga sa kanya ang tsismis na ‘yon sa career niya?"

Dagdag pa ni Xian: “Yung mahirap eh kapag headline kang nambugbog ng isang ordinaryong tao. Lahat ng projects back out. Sana maisalba pa niya ang pangalan niya. This too shall pass.”

 Ito ba talagang laban para sa hustisya, o isang move para ilayo ang spotlight sa ibang kontrobersya? Sino nga ba talaga ang biktima sa gulo na ito? At sa dami ng tsismis, sino ang makikinig sa totoong katotohanan?