Nakakaloka, mga ka-Marites! Hindi na nakatiis ang King of Talk na si Boy Abunda at talagang "pinalagan" na ang dating StarStruck survivor na si Alvin Aragon.

Matapos ang sunod-sunod na post ni Alvin tungkol sa kanyang pananampalataya na tila "nangangaral" sa kapwa, rumesbak si Tito Boy sa kanyang programang Fast Talk. 

Bakit nga ba umabot sa puntong kailangang pangalanan ni Alvin ang mga celebrity parents na gaya nina K Brosas, Ian Veneracion, at Gloc-9? Kulang ba sa pansin o sadyang "over-passionate" lang talaga sa kanyang bagong faith kaya pati parenting ng iba pinapakialaman?

"You Crossed a Line!" 

Ang Matapang na Hamon Sa isang bihirang pagkakataon, kitang-kita ang gigil ni Tito Boy habang sinasabihan si Alvin na "sumobra" na ito at lumampas na sa linya. Ayon sa veteran host, bagama't nirerespeto niya ang paniniwala ng aktor, wala raw itong karapatang manghusga sa parenting style ng ibang tao.

"You cannot impose your faith," hirit ni Tito Boy. Bakit nga naman daw pakikialaman ni Alvin ang pagmamahal ng isang magulang sa anak nilang LGBTQIA+?

May special memo ba siya galing sa langit para sabihing mali ang pagtanggap at pagkalinga sa sariling dugo’t laman?

Impiernohan Na Ba Ito?

Heto pa ang mas matindi, mga ka-Marites. Diretsahang kinuwestiyon ni Boy Abunda ang tila pagpapasya ni Alvin kung sino ang maliligtas at sino ang mapupunta sa impiyerno dahil lang sa kanilang kasarian. Ayon kay Boy, naniniwala siya sa isang Diyos na mapagmahal at maunawain, hindi 'yung mapanghusga.

"Pupunta ba kami sa impiyerno because I am queer?" tanong ni Boy na tila tumutusok sa konsensya ng mga mapangmata. Ano kaya ang nararamdaman ngayon ni Alvin matapos siyang "i-call out" ng isa sa pinaka-respetadong tao sa industriya dahil sa kanyang mga banat?

Love or Law? Ang Huling Resbak Tinapos ni Tito Boy ang kanyang segment sa isang makahulugang quote mula kay St. John of the Cross: "In the evening of life, we will all be judged on love and love alone." Isang malaking sampal ba ito sa mga taong gumagamit ng relihiyon para manakit o mang-down ng kapwa?

Ngayong nakapagsalita na ang King of Talk, tiklop na kaya si Alvin o maglalabas pa ito ng panibagong "revelation" mula sa kanyang faith? At ang asawa niyang si Izzy Trazona, kakampi ba siya sa pananaw ng asawa o mas pipiliin ang katahimikan sa gitna ng matinding bashing?