Diretsahang inamin ng celebrity dermatologist na si Dr. Manny Calayan ang umano’y naging pagtataksil niya sa asawa niyang si Dra. Pie Calayan. Ang rebelasyong ito ay lumabas sa panayam niya sa vlog na “Kay Susan Tayo!” kung saan napag-usapan ang tunay na nangyari sa kanilang relasyon. Pero ano nga ba ang mga pangyayaring humantong sa kanilang paghihiwalay?

Ayon kay Dr. Manny, nagkahiwalay na raw sila ni Dra. Pie noong 2019 matapos ang sunod-sunod na hindi pagkakaunawaan. Aniya, nagkaroon na raw sila ng maraming “clash” kahit sa maliliit na bagay. Kaya napapatanong tuloy ang marami: simpleng tampuhan lang ba talaga ang dahilan, o may mas malalim nang problema sa kanilang pagsasama noon pa man?

Ibinahagi rin niya na matagal silang nagkalayo ng asawa dahil sa pag-aaral ng kanilang mga anak sa abroad, kung saan sinamahan sila ni Dra. Pie. Sa panahong iyon, siya naman ang naiwan sa Pilipinas. Kaya ang tanong: posible bang ang matagal na pagkakalayo ang tuluyang nagpalamig sa kanilang relasyon?

Kalaunan, inamin din ni Dr. Manny na nagkaroon siya ng “illicit affair,” ngunit nilinaw niyang wala raw itong naging love child. Pero mas lalong naging kontrobersyal ang kuwento nang mabanggit niyang naging pasyente pa raw ng kanyang misis ang babaeng kinasangkutan niya. Paano nga ba nangyari iyon? Nagkataon lang ba talaga o may ibang dahilan kung bakit sila nagkrus ng landas?

Dagdag pa niya, vlogger umano ang babaeng nasangkot sa kanya. Nang matuklasan daw ito ni Dra. Pie, umano’y kinompronta nito ang babae sa loob mismo ng clinic hanggang sa umamin. Totoo nga bang nangyari iyon, o may bahagi pa ng kuwento na hindi pa naririnig ng publiko?

Sa ngayon, nananatiling tahimik si Dra. Pie tungkol sa mga pahayag ng kanyang asawa. Hindi rin umano tuluyang gumugulong ang annulment ng dalawa.