Nakakaloka, mga mare! Habang tayo rito ay nagkakape lang, ang ating pambato na si Matty Juniosa ay kasalukuyang pinapalakpakan ng buong mundo! Hindi lang basta standing ovation ang nakuha ng Idol Philippines alum, dahil muli siyang pinauulanan ng confetti sa stage ng Britain's Got Talent Season 19. Teh, sino ba naman ang hindi mahuhulog sa upuan kung ang kinanta mo ay "Dream On" ng Aerosmith at na-perfect mo ang high notes?

Matatandaang nakuha na ni Matty ang loob ni Simon Cowell noong audition, pero nitong semi-finals, si Amanda Holden naman ang hindi nakapigil at pinindot ang Golden Buzzer. Bale, second time na 'to! Sabi nga ni Alesha Dixon, "effortlessly sensational" daw ang ating lodi. Ano kaya ang sikreto ni Matty at parang hindi man lang siya hinihingal sa mga birit niya? May anting-anting ba siya sa lalamunan o sadyang pinagpala lang talaga?

Sa ngayon, base sa Glasgow, Scotland ang ating Pinoy Pride kung saan nagtatrabaho siya bilang part-time waiter habang hinahabol ang pangarap sa theater. Nakaka-inspire, 'di ba? Mula sa pagiging waiter, ngayon ay finalist na sa isa sa pinakamalalaking talent show sa mundo! Kaya na kaya niyang iuwi ang korona ngayong nasa finals na siya? O baka naman may iba pang pasabog na itinatago si Matty na mas ikakalaglag ng panga ng mga judges?

Todo suporta ang buong Pilipinas sa journey na ito ni Matty. Siguradong nakatutok tayong lahat sa finals dahil bitbit niya ang bandila natin sa international stage. Sa tingin niyo, mga ka-Marites, ano kayang kanta ang dapat niyang i-perform sa finals para siguradong selyado na ang panalo? Manalo man o matalo, siguradong abot-langit na ang pride natin sa batang ito!