Heto na nga ang balitang siguradong ikalulungkot—o baka ikagulantang—ng buong DonBelle kingdom! Kinumpirma nina Donny Pangilinan at Belle Mariano na ang upcoming movie nilang Tayo sa Wakas ay ang huli muna nilang project bilang magka-loveteam. Opo, nabasa niyo nang tama: "last for now." Habang magkahawak-kamay nilang ibinubunyag ito sa podcast ni Bianca Gonzalez, damang-dama ang emosyon dahil pati sila, inaming may halong takot sa bagong chapter na ito. Shinoot nga ba ang pelikulang ito bilang pamamaalam, o ito na ang simula ng mas matatag na career para sa kanilang dalawa nang hiwalay?

Grabe ang naging trending nito kahapon dahil sino nga naman ang mag-aakala na sa rurok ng kanilang kasikatan ay magdedesisyon silang mag-focus muna sa kani-kanilang growth? Ayon kay Donny, ginuhos daw nila lahat ng energy para maging "worth it" ang huling pelikula nila na nakatakdang ipalabas sa May 17. Sabi naman ni Belle, nakakatakot pero kailangan nilang gawin para sa ikalalago ng bawat isa. Handa na nga ba ang fans na makitang may ibang kapareha si Belle, at sino naman kaya ang itatambal kay Donny sa susunod niyang serye?

Hindi naman nakalimot si Belle na magpasalamat sa kanyang "Can't Buy Me Love" partner at sinabing hindi siya makakarating sa kinalalagyan niya ngayon kung wala ang suporta ni Donny. Pero sa kabila ng tamis ng kanilang pasasalamat, hindi maiwasan ng mga Marites na mag-isip. May kinalaman kaya ang pagtatapos ng kanilang loveteam sa mga plano ni Belle na makatrabaho ang mga bigating gaya nina John Lloyd Cruz at Judy Ann Santos?

At eto pa ang mas nakaka-intriga: mukhang game rin si Belle kung sakaling may mag-offer sa kanya ng isang GL (Girls’ Love) project, basta raw maganda ang kuwento at may magandang mensahe. Sa gitna ng "reminiscing" at "sepanx" (separation anxiety) na nararamdaman ng dalawa habang nasa set, tila ba tinitignan na nila ang mas malawak na horizon ng showbiz. Ito na kaya ang hudyat na mawawala na ang nakasanayan nating 'loveteam culture' at magfo-focus na ang mga young stars sa pagiging seryosong aktor at aktres?

Kahit malungkot ang fans, hindi sila nagpapatalo dahil ngayon pa lang ay nagpaplano na sila ng kaliwa't kanang block screenings para sa Tayo sa Wakas. Gaya nga ng linyahan nila sa trailer, "We're still here." Pero hanggang kailan nga ba sila mananatili sa puso ng bawat isa ngayong magkakanya-kanya na sila ng landas? Maging matagumpay kaya ang "solo flight" nila, o mauuwi rin sa reunion movie ang lahat pagkatapos ng ilang taon?

Sa ngayon, abangan na lang natin ang pasabog sa mga sinehan sa May 17. Isang huling yakap, isang huling titig—DonBelle, hanggang sa muli!