Mainit-init pa at talagang nakakapaso ang chika na kumakalat ngayon tungkol sa singer-actress na si Issa Pressman. Umalingawngaw kasi ang usap-usapan na baka raw nagdadalang-tao na ito sa panganay nila ng kaniyang nobyo na si James Reid. Totoo nga kaya ang hinala ng netizens, o masyado lang talagang mapaglaro ang mga mata ng mga tao sa internet?

Nagsimula ang lahat nang mabilis pa sa alas-kwatrong kumalat ang isang larawan ni Issa sa Reddit kung saan kapansin-pansin umano ang kaniyang "baby bump." Siyempre, hindi ito pinalampas ng mapanuring mga mata ng netizens na agad nag-usisa kung may parating na nga bang "Baby Reid." Ikaw, sa unang tingin mo ba sa kumakalat na larawan, hula mo ba ay buntis nga siya o baka naman may iba lang dahilan sa likod ng kurbang ito?

Sa pinakabagong episode ng sikat na YouTube show na "Showbiz Update," biniyan ng linaw ng talent manager at vlogger na si Ogie Diaz, kasama sina Mama Loi at Reachill del Castillo, ang kumakalat na isyung ito. Ayon kay Ogie, malaki ang posibilidad na baka nakuha lang talaga sa maling anggulo ang larawan kaya nagmukhang malaki ang tiyan ni Issa. Gaano nga ba kadalas nating mapagkamalang buntis ang isang tao dahil lang sa hindi magandang anggulo ng camera o sa hapit na pananamit?

Dinefend pa ni Ogie na baka raw naka-bodyshaper na kasuotan si Issa kaya naman hapit na hapit ito sa kaniyang katawan. At siyempre, sino ba naman sa atin ang hindi nagkakaroon ng "food baby" pagkatapos kumain ng masarap? Normal lang naman ang mabusog at magbago ang hugis ng tiyan, pero bakit nga ba kapag celebrity ang nakikitaan nito ay diretso "buntis" agad ang hatol ng marami?

Paliwanag pa ni Ogie, tila ito na ang naging pattern sa mundo ng showbiz—kapag may magkasintahan, ang susunod na hirit ng publiko ay kung buntis na ba, magpapakasal na, o kaya naman ay hiwalay na. Dagdag pa niya, halata namang masaya at nagmamahalan sina James at Issa, kaya lang ay marami pa ring fans ng dating love team na "JaDine" (James at Nadine Lustre) ang hindi pa rin talaga nakaka-move on hanggang ngayon. May kinalaman nga kaya ang "past" nina James at Nadine kung bakit tila laging may hanash at negatibong komento ang netizens sa relasyon nina James at Issa ngayon?

Kung sakali namang may katotohanan ang bulung-bulungan, marami rin naman ang nagsasabi na walang masama rito dahil pareho na silang nasa tamang edad at nasa matatag na relasyon. Matatandaan na dati na ring naintriga si Issa na engaged na kay James nang makitang may suot siyang singsing na tila engagement ring. Kung sakaling magbunga nga ang pagmamahalan ng dalawa, handa na kaya ang publiko na tanggapin at ipagdiwang ang bagong yugto na ito ng kanilang buhay?

Sa ngayon ay nananatiling tahimik sina James at Issa at wala pang inilalabas na opisyal na pahayag ukol sa isyung ito. Mananatili na muna tayong nagmamasid at naghihintay ng kanilang kumpirmasyon. Sa tingin mo, sasagutin kaya agad nina James at Issa ang isyung ito o hahayaan na lang muna nila itong mamatay nang kusa sa social media?