ABRIL 16, 2025 — Nagsusumikap ang mga search team na hanapin ang 10 miyembro ng barko — pitong Pilipino at tatlong Tsino — matapos tumaob ang isang cargo ship malapit sa Occidental Mindoro noong Martes. Kumpirmado ng Philippine Coast Guard (PCG) na isa ang nasawi, habang 14 ang nailigtas.

Ang barkong Hong Hai 16, na pag-aari ng Keen Peak Corporation, ay may 25 kataong sakay nang ito’y tumagilid malapit sa Barangay Malawaan. Ayon sa mga unang report, bahagyang nakalubog pa rin ang barko, at may pangambang baka may nakakulong pa sa loob.

“Search and rescue operations are ongoing, including underwater assessments and preparation for diving operations and cutting work by the Coast Guard Special Operations Group Southern Tagalog,” sabi ng PCG.

(Patuloy ang search and rescue operations, kasama na ang underwater assessments at paghahanda para sa diving operations at cutting work ng Coast Guard Special Operations Group Southern Tagalog.)

Dumating ang mga Coast Guard team matapos alertuhan ng Bantay Dagat Rizal ang San Jose sub-station tungkol sa paglubog ng barko.

Nakahanda naman ang Provincial Disaster Risk Reduction and Management Office para sa posibleng oil spill.

(Larawan: Philippine Coast Guard)