Abril 19, 2025 — Pinuri ng National Maritime Council (NMC) ang hakbang ng Google na malinaw na i-label ang "West Philippine Sea" (WPS) sa digital maps nito, na itinuturing nilang tanda ng lumalawak na suporta ng international community sa legal na pag-aangkin ng Pilipinas sa pinag-aagawang karagatan. Hinikayat din ng konseho ang iba pang global platforms na gamitin ang parehong terminolohiya.

Sa isang pahayag nitong Biyernes, Abril 18, binigyang-diin ng NMC na ang pagbabago ay isang makapangyarihang simbolo na nagpapalakas sa identidad ng mga Pilipino at nagtataas ng global awareness tungkol sa maritime entitlements ng bansa.

"The use of the 'West Philippine Sea' label in a global platform, such as Google Maps, raises domestic and international public awareness regarding the Philippines' lawful maritime entitlements (Ang paggamit ng label na 'West Philippine Sea' sa isang global platform tulad ng Google Maps ay nagpapataas ng kamalayan sa loob at labas ng bansa tungkol sa legal na maritime entitlements ng Pilipinas)," anang NMC.

"It provides an internationally visible reference freely available to all across the globe and contributes to a stronger sense of national identity and unity among Filipinos, reinforcing pride in the country's rights as a maritime and archipelagic nation (Nagbibigay ito ng isang internationally visible reference na malayang makikita ng lahat sa buong mundo, na nag-aambag sa mas matibay na pambansang pagkakakilanlan at pagkakaisa ng mga Pilipino, habang pinagtitibay ang karapatan ng bansa bilang isang maritime at archipelagic nation)," dagdag pa nito.

Ipinahayag ng konseho ang pag-asa nitong sundan din ng ibang digital platforms ang paggamit ng WPS label, lalo na sa pagsunod sa international at domestic laws tulad ng 1982 United Nations Convention on the Law of the Sea (UNCLOS), 2016 South China Sea Arbitral Award, at Philippine Maritime Zones Act.

"Its usage in other global mapping and navigation services would be most welcome (Ang paggamit nito sa iba pang global mapping at navigation services ay lubos naming ikatutuwa)," ani ng NMC.

Binigyang-diin din ng konseho ang kahalagahan ng paggamit ng tamang terminolohiya sa pagpapatibay ng soberanya ng bansa.

"Hopefully [it will] help encourage consistency in the term's use by the international community and facilitate the upholding of the freedom of navigation in the West Philippine Sea, which is largely composed of the Philippines' Exclusive Economic Zone (EEZ) (Sana ay makatulong ito sa pagpapatibay ng konsistensya sa paggamit ng terminong ito ng international community at sa pagpapanatili ng kalayaan sa paglalayag sa West Philippine Sea, na kalakhan ay bahagi ng Exclusive Economic Zone (EEZ) ng Pilipinas)," dagdag pa nito.

Sa gitna ng patuloy na tensyon sa rehiyon, muling pinagtibay ng NMC ang dedikasyon nitong protektahan ang maritime entitlements ng bansa at hinimok ang pambansang pagkakaisa.

"The NMC reaffirms its commitment to protect and uphold the country's maritime rights and entitlements, in accordance with international and domestic law, and urges continued unity in promoting the national interest, especially in the West Philippine Sea (Pinagtitibay ng NMC ang pangako nitong protektahan at ipaglaban ang maritime rights at entitlements ng bansa alinsunod sa international at domestic law, at hinihikayat ang patuloy na pagkakaisa sa pagsusulong ng pambansang interes, lalo na sa West Philippine Sea)," ani ng konseho.

Ang terminong "West Philippine Sea" ay opisyal na ginamit ng gobyerno ng Pilipinas noong 2012, tumutukoy ito sa mga lugar sa loob ng EEZ ng bansa sa South China Sea. Bagamat pinawalang-bisa ng 2016 ruling ng Permanent Court of Arbitration sa The Hague ang malawakang pag-aangkin ng China, patuloy pa rin itong tinututulan ng Beijing.