MANILA — Inihayag ng Philippine National Police (PNP) na nasa downtrend ang kriminalidad sa bansa habang papalapit ang pagtatapos ng 2025. Sa datos ng ahensya, bumaba ng 12.86% ang crime incidents noong Nobyembre, na may 2,615 kaso kumpara sa 3,001 kaso noong Oktubre.

Ayon sa ulat ng PNP, malaki ang ibinaba ng ilang focus crimes:

• Rape cases bumaba ng 35.27%
• Physical injury cases bumaba ng 17.24%
• Murder cases bumaba ng 14.18%
• Theft cases bumaba ng 9.38%
• Carnapping of motorcycles bumaba ng 2.37%

Sa mas malawak na datos, iniulat ng PNP na mula Enero hanggang Oktubre 2025 ay bumaba ng 14.34% ang kabuuang crime rate kumpara sa parehong panahon noong 2024. Naitala ang 27,306 focus crime incidents ngayong taon, mas mababa kaysa 31,878 kaso noong nakaraang taon.

Ayon kay Brig. Gen. Randulf Tuaño ng PNP Public Information Office, “The consistent decline in crime incidents reflects the effectiveness of intensified police operations and community cooperation.” Dagdag pa niya, ang rape ang may pinakamalaking pagbaba sa insidente, mula 7,623 kaso noong 2024 tungo sa 5,906 kaso ngayong 2025, o 22.52% reduction.

Samantala, iniulat din ng PNP Directorate for Investigation and Detective Management (DIDM) na mula Hulyo hanggang Setyembre 2025 ay bumaba ng 13.82% ang focus crimes kumpara sa parehong quarter noong 2024.

Ang patuloy na pagbaba ng kriminalidad ay nakikitang positibong indikasyon para sa seguridad ng publiko. Gayunman, binigyang-diin ng PNP na hindi dapat maging kampante ang publiko at nanawagan ng mas aktibong pakikipagtulungan sa mga komunidad upang mapanatili ang trend na ito.