MPBL: Siya nga ba ang bagong hari ng tres? Gab Banal, nagliyab sa panalo ng Quezon vs Davao!
Ace Alfred Acero • Ipinost noong 2025-07-12 14:47:14
July 11 - Nagpakawala ng apoy si Gab Banal mula sa labas ng arko para tulungan ang Quezon Huskers na durugin ang Davao Occidental Tigers, 91-60, nitong Huwebes sa Cuneta Astrodome sa MPBL 2025 Season.
Dating MVP si Banal na tumapos ng 6-of-7 sa tres, habang si Vince Magbuhos ay hindi nagmintis (4-of-4) para tulungan ang Huskers makuha ang kanilang ikalimang sunod na panalo at umangat sa 15-3. Pumapangalawa ngayon ang Quezon sa South Division, kasunod ng mga team na Nueva Ecija (18-0), Abra (17-1), at San Juan (16-1) sa North.
Malupit ang tirahan ng Huskers mula sa labas—kabuuang 18-of-30 (60%) sa tres. Sumali rin sa opensa sina Judel Fuentes (13 pts), Emman Tagle (10 pts), at Christian Pagaran.
Ang Davao ay maikling namuno, 30-27, bago sumabog si Banal at sumali si Rodel Gravera sa opensa para iwan ang Tigers.
Sa ibang laro, sinandalan ng Pasay Voyagers ang bagong recruit na si Christian Fajarito na bumomba ng 27 puntos (may kasamang 4 tres) at 5 rebounds sa 81-64 panalo kontra Imus.
Sa unang laro, giniba ng Gensan Warriors ang Paranaque Patriots, 106-59. Nagpakitang gilas si Kyle Tolentino na may 29 puntos, 10 rebounds, at 5 tres.