HUNYO 15, 2025 — Naglabas ang pamahalaan ng Pilipinas ng mga emergency hotline para sa mga overseas Filipino workers (OFWs) sa Israel, Iran, at mga karatig bansa dahil sa tumitinding tensyon militar sa pagitan ng Israel at Iran. Hinimok ng Department of Migrant Workers (DMW) at Overseas Workers Welfare Administration (OWWA) ang mga Filipino na agad na makipag-ugnayan sa awtoridad kung kinakailangan.

Narito ang mga pangunahing emergency numbers:

DMW-OWWA Helpdesk (local): 1348

DMW-OWWA Helpdesk (abroad): +63 2 1348

Para sa mga OFW sa Israel, maaaring tawagan ang:

Philippine Embassy: +972 54 466 1188

Migrant Workers Office: +972 50 762 2590

Overseas Workers Office: +972 50 715 6937

Sa Lebanon, maaaring kontakin ang:

Philippine Embassy: +961 70 858 086

Migrant Workers Office: +961 79 110 729

Para naman sa nasa Jordan, tumawag sa embassy sa +962 7 7907 7775 o +962 7 7721 9000, o sa MWO hotlines na +962 7 8149 1183 at +962 7 8519 1891.

Kumpirmado ni DMW Secretary Hans Leo Cacdac na wala pang nasasaktang Filipino workers, pero pinag-iingat ang lahat.

Nanawagan naman si Senator Sherwin Gatchalian ng agarang paghahanda para sa posibleng repatriation, lalo na sa Israel, Iran, at Iraq, kung saan aktibo ang mga Iran-backed militias.

"The government must stand ready to swiftly and safely repatriate our OFWs in Iran and Israel should the armed conflict escalate," giit niya.

(Dapat handa ang pamahalaan na mabilis at ligtas na i-repatriate ang mga OFW natin sa Iran at Israel kung lalala ang armadong labanan.)

Idinagdag din niya ang kahandaan sa livelihood at mental health support para sa mga apektadong manggagawa.

Nagtaas ng alerto matapos ang mga airstrike ng Israel sa mga nuclear facility ng Iran, na tinawag ng Iran bilang "declaration of war."

Payo ng mga awtoridad sa mga OFW: tiyakin muna ang impormasyon bago mag-report ng insidente para maiwasan ang maling balita.

(Larawan: Department of Migrant Workers | Facebook)