NAKHON RATCHASIMA, THAILAND — Isang lalaking snatcher na kinilalang si Mr. Wanchana ang bumangga sa isang pickup truck at tumilapon sa kalsada matapos mang-agaw ng bag mula sa isang 18-anyos na babae sa Mittraphap Road sa Pak Chong nitong Linggo ng madaling araw.

Ayon kay Police Lieutenant Colonel Suraphat Phadee, Deputy Inspector for Investigation ng Pak Chong Police Station, nakatanggap siya ng ulat mula sa radio center bandang 12:01 a.m. hinggil sa insidente ng snatching at aksidente sa parallel road ng Mittraphap, malapit sa entrance ng Soi Cho Ratchang Municipality.

Agad na nagtungo sa lugar si Suraphat, kasama si Police Lieutenant Colonel Watchara Riapsungnoen at iba pang imbestigador. Natagpuan nila si Wanchana na nawalan ng malay matapos sumalpok ang kanyang minamanehong motorsiklo sa isang pickup truck habang tumatakas.

Isinugod ang suspek sa ospital para sa agarang gamutan. Pagkatapos ng atensyong medikal, agad siyang inaresto ng mga pulis at sinampahan ng kasong snatching at reckless driving.

Samantala, ligtas ang biktimang babae at nananatiling nakatago ang kanyang pagkakakilanlan. Nabawi rin mula sa suspek ang ninakaw na bag.

Patuloy ang imbestigasyon ng mga awtoridad kaugnay ng insidente.

larawan/ google