NORTH CAROLINA, USA — Trahedya ang naganap malapit sa Statesville Regional Airport sa North Carolina, USA, nitong Disyembre 18, 2025, nang bumagsak ang isang private jet na ikinasawi ng pitong katao, ayon sa ulat ng Associated Press.

Kinilala sa mga nasawi ang dating NASCAR driver na si Greg Biffle, kasama ang kanyang asawa, dalawang anak, at tatlong kaibigan ng pamilya. Ayon sa mga awtoridad, sandali lamang matapos mag-takeoff ang eroplano ay nagtangkang bumalik sa paliparan bago ito bumagsak at sumiklab sa apoy.

Agad na rumesponde ang mga lokal na bumbero at rescue teams upang iligtas ang mga biktima, ngunit wala nang naiwan pang buhay sa lugar ng aksidente. Inaalam pa rin ang eksaktong dahilan ng pagbagsak ng eroplano.

Kasama sa imbestigasyon ang Federal Aviation Administration (FAA) at ang National Transportation Safety Board (NTSB) upang matukoy ang sanhi ng insidente at maiwasan ang ganitong trahedya sa hinaharap. Nagpahayag ng pakikiramay ang komunidad at mga tagahanga kay Biffle, na kilala sa kanyang karera sa NASCAR, sa kanyang pamilya at mga kaibigan. Patuloy ang imbestigasyon habang hinihintay ng publiko ang pinal na ulat ng mga awtoridad. (Larawan: Nick Dudley via X)