Nobyembre 22, 2025 – Balik sa pinanggalingan! Matapos ang ilang taong pagtutok sa kanyang tungkulin bilang senador, muling humataw sa showbiz si Robin Padilla sa pagbabalik niya sa iconic action franchise na Bad Boy. Naganap nitong Biyernes, Nobyembre 21, ang pirmahan ng kontrata para sa “Bad Boy 3” kasama ang Viva, na siya ring nagbigay ng unang tahanan sa ilan sa pinaka-kilalang pelikula ni Robin noong kanyang kasagsagan.

Sa kanyang Facebook post, ibinahagi ni Robin ang ilang larawan mula sa contract signing kasama si Boss Vic Del Rosario. Makikita sa mga litrato ang matinding nostalgia at excitement hindi lang mula sa aktor, kundi maging sa production team na magsasama-sama muli para sa third installment ng franchise.

Ayon kay Robin, isang malaking karangalan para sa kanya na ipagpatuloy ang kwentong minsang nagbigay sa kanya ng bansag na “Bad Boy ng Philippine Movies.”

“Ngayong araw ay pormal na po nating nilagdaan ang kontrata para sa Bad Boy 3 kasama ang Viva… Isang malaking karangalan na maipagpatuloy ang kwentong sinimulan natin noon. Mas matapang, mas makatotohanan, at siguradong mas malapit sa puso ng ating mga kababayan,” pahayag niya.

Hindi rin nakalimot ang senador na magpaabot ng taos-pusong pasasalamat sa Viva, lalo na kay Boss Vic at Boss Vincent Del Rosario, na aniya’y patuloy na nagtitiwala sa kanya kahit sa paglipas ng mga dekada.

Nostalgia overload: Ang pagbabalik ng tunay na 'Bad Boy'. Bago pa man tumuntong sa mundo ng politika, unang nakilala si Robin bilang isang matapang at palaban na bida ng action films noong late ’80s hanggang ’90s. Sa mga pelikulang gaya ng Anak ni Baby Ama, Bad Boy, at Bad Boy 2, unti-unti siyang naging mukha ng isang karakter na street-smart tough guy — laging nasa gulo, pero may pusong handang magbago para sa tama.

Para sa fans na sabik muling makita ang old-school action sa big screen, tila perfect timing ang pagbabalik na ito. Usap-usapan na rin sa online community kung ano kaya ang magiging takbo ng kwento ng Bad Boy 3 ngayon na mas mature na si Robin—at may bagong perspektiba bilang isang public servant.

Abang na abang ang netizens Sa comments section ng Facebook post ni Robin, sunod-sunod ang kilig at tuwang reaksiyon ng fans na matagal nang hinahanap ang kanyang signature “bad boy swag.”

Marami ang nag-aabang kung paano idadagdag ang modern themes sa isang klasikong action formula na tumatak sa maraming Pinoy.

Isang bagay ang sigurado: sa pagbabalik ng isa sa mga pinakamalaki at pinaka-iconic na action stars ng bansa, magiging malaking kaganapan sa pelikulang Pinoy ang Bad Boy 3.

Abangan ang iba pang detalye—mula sa cast, direktor, hanggang sa petsa ng showing—sa mga susunod pang announcements!

Larawan: Robin Padilla Facebook