Nobyembre 25, 2025 – Naglabas ng arrest warrant ang Phra Nakhon Tai District Court ng Thailand laban kay Anne Jakrajutatip, dating may-ari ng Miss Universe Organization, matapos itong hindi sumipot sa nakatakdang pagbabasa ng hatol kaugnay ng kinahaharap niyang fraud case. Ang warrant ay inilabas ngayong Martes, Nobyembre 25, 2025.

Arrest warrant at background ng kaso. Ayon sa dokumento ng korte na iniulat ng Thairath, si Anne at ang JKN Global Group Public Company Limited ay kinasuhan ni Rawiwut Maschamadol ng joint fraud sa Case No. A1440/2023.

Batay sa reklamo, ang defendants ay umano’y:

Nagbigay ng maling pahayag

Nagtago ng mahahalagang impormasyon

Nanghikayat sa complainant na mamuhunan sa bonds ng JKN Global

Ayon pa sa ulat, alam umano ni Anne na hindi makakapagbayad ang kumpanya sa takdang oras dahil sa malaking burden sa utang. Dahil dito, nagkaroon ng pinsalang 30,000,000 baht ang complainant.

Hindi dumalo si Anne sa itinakdang hearing para sa promulgation ng hatol, dahilan upang agad na maglabas ng warrant ang korte.

Iniulat na pag-alis sa Thailand. Habang wala pang opisyal na pahayag mula kay Anne o sa kanyang kampo, iniulat ng Thaiger na umalis na umano siya ng Thailand at patungo sa Mexico.

Kasunod nito, inakusahan ng political activist na si Sondhi Limthongkul na si Anne ay:

Umano’y nagbitbit ng six billion baht mula sa retail investors

Maaaring may Mexican citizenship, sa tulong umano ni Miss Universe Organization President Raul Rocha

At posibleng hindi na bumalik sa Thailand dahil sa sunod-sunod na kaso

Hindi pa kinukumpirma ng Thai authorities ang ulat na ito.

Koneksiyon sa Miss Universe 2025. Patuloy ding pinag-uusapan online ang posibilidad ng koneksiyon ng isyu sa naging resulta ng Miss Universe 2025, kung saan nagwagi si Fatima Bosch ng Mexico.

Lalo pang lumakas ang haka-haka matapos mabanggit ang ugnayan nina Anne at Rocha, bagama’t walang opisyal na ebidensiyang nag-uugnay sa outcome ng pageant sa kasalukuyang kaso.

Iba pang kinahaharap na reklamo. Bukod sa kasong ito, humaharap din si Anne sa hiwalay pang US$28.3 million embezzlement case, ayon sa dating ulat ng iba pang international outlets.

Simula Oktubre 29, 2025, hindi na aktibo ang social media accounts ni Anne, at hindi rin siya namataan sa anumang aktibidad ng 74th Miss Universe.

Sa ngayon, hinihintay pa ang opisyal na tugon mula sa kampo ni Anne, maging ang susunod na hakbang ng Thai authorities.