Hindi pinalampas ng aktres na si Rica Peralejo ang akusasyon ng isang netizen na umano’y may kinalaman siya sa pagkuha ng ikapu ng simbahan. Agad siyang nagsalita upang linawin ang isyu at depensahan ang kanyang sarili laban sa paratang.

Sa isang Threads post nitong Enero 1, ibinahagi ni Rica ang screenshot ng pahayag mula sa isang TikTok user na nagpapahiwatig na may masamang balik umano ang pagnanakaw ng ikapu. Ayon sa aktres, paulit-ulit siyang inuunay ng mga insinuasyon na ginagamit niya ang pera ng simbahan—isang bagay na mariin niyang pinabulaanan.

Ipinaliwanag ni Rica na wala siyang kahit anong dahilan para gumawa ng ganoong bagay, lalo’t matagal na siyang nagtatrabaho at may sarili siyang kinikita. Aniya, hindi makatuwiran ang paratang at malinaw na may masamang intensyon ang nagkakalat ng akusasyon.

Ibinahagi rin ng aktres na nais niyang maunawaan kung saan nanggagaling ang galit ng naturang netizen at bakit siya ang pinupuntirya. Sa kanyang pananaw, maaaring may personal na dahilan o projection umano ang taong nasa likod ng paratang, lalo na’t may koneksyon ito sa isang grupong matagal na niyang iniwan.

Sa kabila ng kontrobersiya, nanindigan si Rica na malinis ang kanyang konsensya. Aniya, hindi siya magpapatinag sa mga akusasyong walang sapat na batayan at patuloy siyang maninindigan sa katotohanan.

Larawan: Rica Paralejo X