Umani ng matinding usapan online ang viral video ng nangyari sa isang gig ng OPM hard rock band na Wolfgang sa Davao City, kung saan makikitang pinaalis ng frontman na si Basti Artadi ang isang lalaking fan matapos itong paulit-ulit na sumigaw ng “Fvck you, BBM!” habang nasa stage ang banda.

Tama ba ang ginawa ni Basti o masyado bang napikon ang singer?

Sa kumakalat na video, saglit na huminto sa pagtugtog ang banda upang bigyang-pugay ang alaala ng kanilang dating bassist na si Mon Legaspi, na pumanaw dahil sa atake sa puso noong Oktubre 2022.

Habang nagsasalita si Basti upang alalahanin ang kanilang yumaong kabanda, biglang sumigaw ang isang lalaki mula sa crowd ng “Fvck you, BBM!”

Sa una ay kalmado pa ang singer at sinaway lamang ang lalaki, sinabing wala namang kinalaman sa pulitika ang kanilang concert. Ngunit hindi dito natapos ang eksena.

Bakit nga ba hindi tumigil ang lalaki kahit sinita na siya? At ano ang pumutok sa pasensya ni Basti?

Ayon sa video, nang ipagpatuloy ni Basti ang kanyang pagsasalita, muli na namang sumigaw ang lalaki—this time ay may binanggit pa tungkol sa “DDS” at gumawa pa umano ng hand signs.

Dito na napuno ang singer at diretsahang pinaalis ang lalaki sa venue.

“Get that fvcking guy out of here. Get that guy out of here. Umalis ka na nga!” mariing sabi ni Basti habang nasa entablado.

Dahil sa bilis ng pagkalat ng video online, naglabas na rin ng video message si Basti nitong Marso 31 upang linawin ang insidente.

Pero ayon sa kanya, bakit nga ba biglang napasok ang pulitika sa isang tribute moment para sa kanilang yumaong kabanda?

Ipinaliwanag ng singer na humihingi lamang sila ng ilang segundo ng respeto at katahimikan upang bigyang-pugay si Mon.

Iginiit din ni Basti na wala siyang kinakampihang alinmang political camp sa kasalukuyan. Dagdag pa niya, kung mayroon mang pulitikong tunay na magsisilbi sa tao at hindi magpapayaman sa puwesto, iyon lamang ang kanyang susuportahan.

Sa ngayon, patuloy ang diskusyon ng netizens tungkol sa insidente.

Concert ba ito na dapat walang pulitika—o may karapatan bang magsalita ang fans kahit nasa gig?
At kung ikaw ang nasa crowd, kakampihan mo ba si Basti o ang sumigaw na fan?