Mainit-init na showbiz tsika ang bumungad ngayong linggo matapos humingi ng paumanhin si Jaime Yllana sa publiko dahil sa mga kontrobersyal na pahayag ng kanyang amang si Anjo Yllana laban sa Eat Bulaga at ilan sa mga haligi nito.

Sa media conference ng pelikulang My Husband Is A Mafia Boss, hindi na nakaiwas si Jaime sa tanong ng press. At imbes na umiwas, diretsahan pero kalmado niyang sinagot ang isyu—tila isang anak na pagod na ring maipit sa gulo.

“At the end of the day, tatay ko pa rin siya. Sa bahay, tatay ko talaga siya… at nakikita ko ‘yong pinagdadaanan niya,” ani Jaime.

Pero aminado rin ang aktor na may mga nasasabi at nagagawa ang ama na hindi niya lubos na sinasang-ayunan.

“Pasensiya po sa lahat. May mga pagkakamali talaga,” dagdag pa niya.

Napansin n’yo ba? Parang anak na ang nagsisilbing PR manager ng ama?

“Keep it private” — payo ng anak kay ama

Mas lalong umingay ang tsika nang ibunyag ni Jaime na pinapayuhan niya si Anjo—at take note—hindi bilang anak lang, kundi parang kaibigan o kapatid.

“Minsan kailangan i-keep private ang ibang bagay. Nasa spotlight tayo, pero hindi lahat kailangang ilabas,” aniya.

Sa tingin n’yo, dapat bang makinig si Anjo sa anak niya o tuloy lang sa paglalabas ng saloobin kahit maingay na ang backlash?

Matatandaang nag-viral ang pangalan ni Anjo matapos niyang akusahan si Tito Sotto ng umano’y pagkakaroon ng kabit noong 2013. Hindi pa doon nagtapos—tinawag pa niyang “ahas” ang Eat Bulaga host na si Jose Manalo.

 Isang tanong: kung ikaw si Jose, palalagpasin mo ba o sasagot ka rin?

Samantala, cool na cool lang si SP Sotto at tila deadma sa level 100.

“Huwag n’yong pansinin. Nagpapapansin lang ‘yan,” pahayag nito.

Habang patuloy ang bangayan sa social media, marami ang humanga kay Jaime dahil sa pagiging mahinahon at disente, pero may ilan ding nagtatanong:

Responsibilidad ba ng anak na saluhin ang issue ng magulang?

Hanggang saan ang pagiging “anak” kapag publiko na ang gulo?

At ito na ba ang senyales na dapat nang tumahimik si Anjo?