Uminit ang Marites radar matapos maglabas ng pasabog na kuwento si Echo sa isang chikahan kasama si Madam Kring. Sa kalmadong umpisa ng usapan, nauwi ito sa isang rebelasyong hindi inaasahan—may nakachorva raw si Echo sa industriya, at ayon mismo sa kanya, isang sikat na artista at host ng Eat Bulaga ang tinutukoy niya.

Kwento ni Echo, hindi raw sila nauwi sa pagiging mag-jowa dahil “hindi puwede” at masyadong sikat ang kabilang panig. Pero kahit walang label, hindi rin maikakaila na may nangyari sa pagitan nila. Inimbitahan daw siya sa bahay ng nasabing artista para sa simpleng inom-inom, na nauwi sa Netflix and chill. Sa sobrang “chill,” umamin si Echo na may pisikal na namagitan sa kanila.

Kinabukasan, mas lalong naging juicy ang detalye. Ayon kay Echo, nagising daw silang magkayakap, may breakfast in bed, at pagkatapos ay sabay pa silang pumasok sa trabaho. Nang tanungin ni Madam Kring kung saan, diretsahan ang sagot—Eat Bulaga. Ibig sabihin, kawork niya mismo ang sikat na host na kanyang tinutukoy.

Hindi man pinangalanan ang personalidad, mas lalo namang pinainit ng pahabol na linya ni Echo ang usapan:

“Basta masarap.”

Dahil dito, kaliwa’t kanan na ang tanong ng Marites Nation. Sino ang Eat Bulaga host na tinutukoy ni Echo? Kasalukuyan ba itong napapanood sa noontime show o dating host na lamang? Lalaki ba o babae ang sikat na artistang ito? Bakit nga ba sinabing “hindi puwede”—dahil ba sa imahe, kontrata, o personal na sitwasyon? Posible kayang single lang ang isa habang may sabit ang kabila noong mangyari ang lahat?

Mas lalong nakakapukaw ng interes ang tanong kung isang beses lang ba itong nangyari o may naulit pang mga pagtatagpo. May nakapansin kaya noon sa loob ng studio na magkasabay silang pumasok o umalis? At kung sakaling lumabas ang pangalan, magugulat ba ang publiko o isa itong “ah, siya pala” na matagal nang hinala ng ilan?

Sino kaya ito? hmmm....