May umano’y inheritance feud sa pagitan ng pamilya ng yumaong Taiwanese star na si Barbie Hsu at ng kanyang asawang si DJ Koo? Pero ayon sa pamilya—walang katotohanan ang mga kumakalat na tsismis.

Sa ulat ng The Korea Times, diretsahang itinanggi ng pamilya ni Barbie ang alegasyon na may alitan umano sila ni DJ Koo pagdating sa iniwang yaman ng aktres. Fake news lang ba ito, o may pinanggagalingan ang mga bulung-bulungan? 

Ayon sa ina ni Barbie na mas kilala bilang S Mom, wala raw siyang balak pumasok sa kahit anong legal battle.

“Ayoko sa kaso. Sayang lang sa oras at pera,” ani niya.
Mas nakakagulat pa—itinuturing na raw niyang anak si DJ Koo.
Kung may away nga, magagawa pa kaya niyang sabihin ‘yon?

Pero teka… bakit may ibang ulat na taliwas dito?

Sa isang artikulong inilathala ng The Chosun Daily, iginiit ng Taiwanese outlet na ET Today na may matinding bangayan umano sa korte ang magkabilang panig, at parehong naghahanda raw ng legal countermeasures.
Sino ang nagsasabi ng totoo? At bakit parang may gustong magpasiklab ng gulo?

Hindi rin nanahimik ang kapatid ni Barbie na si Dee Hsu. Sa halip na umiwas, diretsahan niyang kinondena ang mga tsismis:

“Malisyoso at may masamang intensyon ang gumagawa ng ganitong balita.”
Dagdag pa niya, buong-puso raw ang pagmamahal ni DJ Koo sa kanyang kapatid at itinuturing na rin siyang tunay na pamilya.
Kung ganito katatag ang depensa, sino nga ba ang may pakana ng mga intriga?

Lumabas ang mga isyung ito isang linggo lamang matapos magsama-sama si DJ Koo, pamilya, at mga kaibigan ni Barbie para sa unang anibersaryo ng kanyang pagpanaw at unveiling ng memorial sculpture—na si DJ Koo mismo ang nagdisenyo.
Coincidence lang ba ang timing? 

Sa gitna ng ingay, nagsalita na rin si DJ Koo. Sa isang emosyonal na pahayag, sinabi niyang ipapasa niya sa kanyang biyenan ang lahat ng karapatan sa kanyang bahagi ng mana, na tinatayang aabot sa ₱32 million USD.
Kung pera lang ang habol, bakit niya ito basta bibitawan?

Samantala, may isa pang tanong na umusbong online:
Nasaan ang mga anak ni Barbie sa memorial?

Nilinaw naman ng influencer na si Mandy Ma na nasa Beijing ang mga bata noon para sa winter break at maayos daw silang inaalagaan.
Pero bakit parang hindi pa rin napigilan ang haka-haka ng netizens?

Sa ngayon, iisa lang ang malinaw—mas masakit pa sa pagkawala ang mga tsismis na naiwan.
Pero hanggang kailan kaya mananahimik ang katotohanan sa likod ng mga bulung-bulungan?