Usap-usapan ngayon sa social media ang bagong pasabog ng self-proclaimed “Pambansang Marites” na si Christian Albert Gaza matapos siyang maglabas ng isang kontrobersyal na pahayag na tila may pinapatamaan sa industriya ng OPM.

Sa kanyang post, diretsahang nag-name drop si Gaza at sinabi:

“Ang dapat na magsosyo sa isang kumpanya eh si Tryke Gutierrez at si Kean Cipriano.”

Ngunit mas lalong uminit ang usapan nang magdagdag pa siya sa comments:

“BAKIT? Itanong niyo kay Cong Velasquez at Arthur Nery. Kapag nagtayo na silang dalawa ng kumpanya, diyan ako pipirma at magpapa-manage. Para sureball na mawalan ako ng income. Haha!”

May pahabol pa siyang tila patutsada:

“Basta akala ko noon ako na pinakascammer sa bansa.”

Dahil dito, agad na naglabasan ang mga espekulasyon sa social media. May mga netizens na nagtatanong: May alam ba si Xian Gaza na hindi pa alam ng publiko?

Ugnayan sa naunang blind item

Matatandaang ilang araw bago ito, naglabas din ng blind item si Gaza tungkol sa isang celebrity na umano’y may music label na pinaghihinalaang nag-eexploit ng mga artist.

Ayon sa kanya, may label owner daw na kumukuha ng malaking porsyento ng kita mula sa Spotify at YouTube streams, at maliit lamang ang napupunta sa mga artist.

Sa mga clue na ibinahagi niya, mabilis na naglabasan ang spekulasyon online na maaaring ang tinutukoy ay si Kean Cipriano, ang singer-actor na nagtatag ng music label na O/C Records kasama ang kanyang asawa.

Ang nasabing label ay nakapag-handle ng ilang kilalang OPM artists tulad nina Arthur Nery, Adie, IV of Spades, at mrld.

Lalong nag-init ang usapan nang maglabas ng sariling pahayag ang singer na si mrld, na nagsabing naramdaman niyang hindi sapat ang kinikita niya sa kanyang mga kanta, kaya pinili niyang maging independent artist.

Ano ang koneksyon ni Tryke Gutierrez?

Isa pang pangalang nabanggit ni Gaza ay si Tryke Gutierrez, na kilala bilang CEO ng Tier One Entertainment—isang kumpanya na namamahala ng mga esports talents at creators.

May hidden issue ba sa likod ng pamamalakad ng ilang entertainment companies?

Bakit tila may pahaging si Gaza tungkol sa pagkawala ng income kapag sila ang nag-manage?

Ano ang papel nina Arthur Nery at “Cong Velasquez” sa isyung ito?

May ilalabas pa bang mas malaking rebelasyon ang Pambansang Marites?

Tahimik pa ang mga pinangalanan

Sa ngayon, wala pang opisyal na pahayag mula kina Kean Cipriano, Tryke Gutierrez, o Arthur Nery tungkol sa mga pahayag ni Christian Albert Gaza.

Kaya naman lalong dumadami ang haka-haka online.

Patutsada lang ba ito ni Xian Gaza… o may mas malalim pang istorya sa likod ng kontrobersyang ito?

At kung may katotohanan nga ang mga paratang—
handa ba ang OPM industry na harapin ang mga rebelasyong maaaring lumabas?