Usap-usapan ngayon ang muling pagkikita nina Criza Taa at Andrea Brillantes matapos dumalo si Criza sa engrandeng 23rd birthday party ni “Blythe.” Pero ang tanong ng netizens: simpleng reunion lang ba ito o senyales na tuluyan na silang nagkaayos?

Sa Instagram story ni Criza, ibinahagi niya ang sweet na photo nilang dalawa sa loob ng isang photo booth. May kasama pa itong behind-the-scenes clip kung saan makikitang masaya silang nagpo-pose—at may pa-beso moment pa! Dahil dito, lalong uminit ang haka-haka: kung hindi sila okay, magiging ganito ba sila ka-comfortable sa isa’t isa?

Matatandaang naging malapit ang dalawa bilang bahagi ng “ABCD Girls” kasama sina Bea Borres at Danica Ontengco matapos magsama sa hit series na Kadenang Ginto noong 2018. Pero saan nga ba nagsimula ang lamat sa kanilang friendship—at bakit tila bigla na lang itong nawala?

Noong 2024, napansin ng fans na madalas nang wala si Criza sa mga bonding moments ng grupo. Dito nagsimulang umusbong ang espekulasyon ng hindi pagkakaunawaan. Ngunit kung tahimik ang lahat noon, ano kaya ang totoong nangyari behind closed doors?

Sa isang interview kay Toni Gonzaga noong 2025, inamin ni Criza na nagkaroon nga ng misunderstanding, pero hindi niya ito idinetalye. Aniya, tila hindi na sila “on the same wavelength” noon. Pero kung ganoon, ano ang nagbago ngayon at muli silang nakitang magkasama?

Dagdag pa ni Criza, hindi na raw sila kasing close tulad ng dati, ngunit “okay” naman sila. May mga friendship daw talagang hindi nagtatagal. Kaya naman ang tanong: ito na ba ang simula ng panibagong chapter ng kanilang pagkakaibigan, o isang civil moment lang para sa espesyal na okasyon?

Bagama’t nakita na silang magkasama sa isang party noong nakaraang taon, ito ang unang pagkakataon na ibinahagi ni Criza ang larawan nila ni Andrea sa social media. Isa na ba itong subtle confirmation na nagkaayos na sila? At higit sa lahat, nasaan na kaya sina Bea at Danica sa kwento—kumpleto pa kaya ang ABCD Girls soon?