Matinding labanan ngayon sa pageant world ang nalalapit na laban ng mga Pinay beauty queens sa kauna-unahang Miss Grand International All Stars. Kabilang sa mga kumpirmadong kandidata si Imelda Schweighart, na makakaharap pa mismo ang kapwa niya Pinay na sina Gazini Ganados, Fuschia Anne Ravena, at Keylyn Trajano. Dahil dito, maraming pageant fans ang napa-react: paano kung parehong Pilipina ang mag-agawan sa iisang korona?

Si Gazini, na nakilala bilang Miss Universe Philippines 2019, ay inaasahang magiging isa sa mga pinakamalalakas na contenders sa kompetisyon. Samantala, si Fuschia naman ay gumawa ng kasaysayan nang tanghalin bilang Miss International Queen 2022, habang si Keylyn Trajano ay naging Top 13 placer sa Universal Woman 2025. Dahil sa kani-kanilang achievements, sino kaya sa kanila ang mananaig kung sakaling sabay-sabay silang umabot sa final stage?

Bukod sa kanila, kabilang din sa mga kandidata ang Brazilian beauty queen na si Alexia Núñez, na kinoronahan bilang Miss Noble Queen Universe 2025. Ngunit may twist sa kanyang pagsali dahil isa rin siyang official delegate ng Pilipinas. Kaya naman may mga netizens na nagtataka: paano nga ba hahatiin ang suporta ng mga Pinoy kung may higit sa isang kandidatong may koneksyon sa bansa?

Mas naging usap-usapan pa ang pagsali ni Imelda matapos siyang matanggal bilang kandidata sa Miss Universe Philippines 2026. Hindi naman nagbigay ng detalyadong paliwanag ang organizers tungkol sa kanyang disqualification, kaya marami ang nag-i-speculate kung ano nga ba ang tunay na nangyari. Ngayon tuloy, may mga nag-aabang kung magiging pagkakataon ba ito para sa kanyang comeback sa international pageant stage.

Ang inaugural edition ng Miss Grand International All Stars ay proyekto ng Nawat Itsaragrisil, founder ng Miss Grand International. Gaganapin ang coronation night sa Bangkok, Thailand sa Mayo 30, 2026, kung saan inaasahang magtatagisan ang mga dating international pageant contenders mula sa iba’t ibang bansa. Ang tanong ngayon ng pageant fans: may Pinay kayang mag-uuwi ng korona sa unang MGI All Stars?