Maka-get over na kaya ang lahat? Matapos ang mahaba-habang paghihintay at kaliwa’t kanang mga pasilip sa social media, opisyal na ngang ‘Mrs. Mantala’ ang ating paboritong probinsya-vlogger na si Mercedes Lasac, o mas kilala bilang si Ka Mangyan! Ginanap ang kanilang engkantadang kasalan nitong April 23, at talaga namang hindi nagpahuli ang dalawa sa pagpapakilig at pagpapaiyak sa buong online world.

Pero ang tanong ng karamihan: Ito na nga ba ang simula ng bagong kabanata ng kanilang "vlogging empire," o magiging mas private na kaya ang buhay ng mag-asawa ngayong kasal na sila?

Agaw-eksena ang ganda ni Ka Mangyan sa kanyang eleganteng off-shoulder white lace gown na tila ba hinalintulad pa ng ilang netizens sa ating Miss Universe na si Pia Wurtzbach. Habang naglalakad sa aisle bitbit ang kanyang puting mga bulaklak, kitang-kita ang emosyon sa kanyang mga mata. Pero ang mas nakaka-antig? Ang groom niyang si Julius na hindi napigilang humagulgol habang pinagmamasdan ang kanyang papasok na bride. Sabi nga nila, ang lalakeng umiiyak sa harap ng altar ay ang lalakeng sigurado na sa kanyang piniling makasama habambuhay.

Sa dami ng pinagdaanan nila mula nung engagement nila noong 2025, inakala niyo ba na ganito kabilis silang aabot sa "I Do"? At totoo kaya ang chika na mas lalong dagsa ang blessings sa career nila ngayon dahil sa "wedding luck"?

Siyempre, hindi kumpleto ang "Social Media Wedding of the Year" kung wala ang mga bigating guests! Spotted sa event ang mga kapwa nila content creators gaya nina Joel Javier, Katrina Ermino, at ang mag-asawang Lester at Leonida ng The Aguinaldos. Dumalo rin ang Multimedia Star na si Toni Gonzaga para saksihan ang pag-iisang dibdib ng dalawa. Matapos ang seremonya, proud na proud na ipinakilala ni Julius sa Facebook ang kanyang misis: “Everyone! My wife Mercedes Lasac Mantala.”

Ngayong officially married na sila, ano na ang susunod na aabangan ng kanilang mahigit 11 million followers sa TikTok? Isang bonggang "house tour" na ba para sa kanilang dream home, o baka naman may "little Ka Mangyan" o "little Julius" na agad tayong aabangan sa susunod na buwan?

Matatandaang bago ang kasalan, nag-trending din ang kanilang pre-nuptial shoot sa Lijiang, China na talaga namang pang-pelikula ang datingan. Mula sa simpleng buhay sa probinsya hanggang sa pagiging isa sa pinaka-influential na mag-asawa sa mundo ng social media, patunay ang kwento nina Ka Mangyan at Julius na may forever talaga sa mga taong marunong maghintay at magmahal ng tapat.

Kayo mga ka-Marites, ano ang masasabi niyo sa mala-Pia Wurtzbach na look ni Ka Mangyan? At sa tingin niyo, gaano kaya kabilis ilalabas ang inaabangang wedding vlog na siguradong magte-trend na naman sa YouTube?