ABRIL 15, 2025 — Isasara ang karamihan ng mga bangko sa Pilipinas sa panahon ng Mahal na Araw, ayon sa mga anunsyo mula sa mga institusyon. Mananatili namang bukas ang online banking at mga ATM para sa mga transaksyon. Idineklara na ng Malacañang ang Abril 17 (Huwebes Santo) at Abril 18 (Biyernes Santo) bilang regular na holiday, habang itinalaga ang Abril 19 (Sabado de Gloria) bilang special non-working day.

Magsu-shut down ang lahat ng branches ng BPI mula Abril 17–19. Mawawala rin ang access sa digital services nito, kasama ang Robinsans Bank, mula 8 a.m. hanggang 6 p.m. sa Abril 17 dahil sa system integration para sa kanilang merger.

Isasara din ang mga branch ng BDO sa parehong mga araw, pero magagamit pa rin ang BDO Online, BDO Pay, at mga ATM. Susundan ito ng Chinabank, at babalik sa operasyon sa Abril 21.

Isasara ng EastWest ang mga non-mall branches nito sa Abril 17–18, habang maaaring bukas ang ilang branches sa loob ng mall. Magpapatuloy ang operasyon ng ilang PNB branches, pero hindi pa inilalabas ang detalye.

Pahahabain ng Security Bank ang pagsasara hanggang Abril 20.

Pinapayuhan ang mga customer na magplano nang maaga para maiwasan ang abala. Maaaring gamitin ang mobile apps o ATM para sa mga urgent na transaksyon.

(Larawan: BDO Unibank)