Magandang balita para sa mga fans ni Kai Sotto matapos niyang ibahagi ang matagumpay niyang ACL (anterior cruciate ligament) surgery. Ito ay matapos niyang ibahagi ng 7’3” na center ng Koshigaya Alphas ang kanyang post-operation photo sa Instagram, na may caption na “Operation done. TYL ????????,” kasunod ang mga positibong mensahe mula sa kanyang pamilya at mga kaibigan. Kabilang na rito ang kanyang girlfriend, si Rere Madrid, na nagbigay ng suporta sa pamamagitan ng pagsulat ng “I love you ????.” Sa ngayon, ang Filipino basketball star ay kasalukuyang nagpapagaling sa nasabing survey.

Nakuha ni Sotto ang ACL injury sa isang laban kontra Seahorses Mikawa sa Japan B.League. Dahil sa matinding pinsala, kinailangan niyang sumailalim sa operasyon at tuluyang magpahinga, dahilan ng kanyang pagkawala sa buong B.League season. Bilang isa sa mga key players ng Koshigaya Alphas, malaking kawalan ang pagkawala niya, ngunit umaasa ang team na makakabalik siya nang mas malakas.

Dahil sa kanyang injury, hindi rin siya makakalaro sa upcoming FIBA Asia Cup sa Agosto, pati na rin sa final window ng FIBA Asia Cup qualifiers sa Pebrero, ayon kay Gilas Pilipinas head coach Tim Cone. Sa kabila nito, may posibilidad pa rin siyang makasama sa FIBA World Cup qualifiers sa susunod na taon, kaya umaasa pa rin ang fans na makikita siyang maglaro muli para sa bansa.

Nakatanggap ng maraming mensahe ng suporta mula sa mga fans, pati na rin sa kanyang mga kakampi at coaches. Ayon kay Coach Tim Cone, ang pagkawala ni Sotto ay isang malaking pagsubok, ngunit tiwala siyang babalik si Kai na mas malakas at mas handa. Hindi lang ang mga fans ang nagpakita ng suporta, kundi pati na rin ang mga kasamahan ni Sotto sa Japan, na nagsabing sabik silang makita siyang maglaro muli.

Bagamat matinding hamon ang ACL injury, naniniwala ang buong basketball community na kayang lampasan ito ni Sotto. Ang kanyang recovery ay isang hakbang patungo sa pagbabalik sa laro, kung saan patuloy siyang magiging inspirasyon sa maraming Pilipino. Ang kanyang pagbabalik ay hindi lang para sa sarili niya, kundi para rin sa buong bayan na sumusuporta sa kanya.

Larawan mula sa Japan B.LEAGUE