April 21, 2025 — Balik-internasyonal na si Alyssa Valdez — at kitang-kita kung gaano niya ito nae-enjoy.

Matapos ang halos dalawang taong pahinga sa national team, matagumpay na nagbalik si Valdez sa international scene sa pagbubukas ng 2025 AVC Champions League. Pinangunahan niya ang Creamline Cool Smashers sa isang straight-set na panalo kontra Al Naser ng Jordan, 29-27, 25-20, 25-19, nitong Linggo sa Rizal Memorial Coliseum.

Umiskor si Valdez ng 10 puntos, may limang receptions, at tatlong digs, pero higit sa lahat, ang pagbabalik niya sa pag-representa ng Pilipinas ang tunay na highlight ng laban.

“Very overwhelming for me, just because I think it never crossed my mind to represent again the Philippines in any competition,” ani Valdez. “But we'll take this — not just me, but the whole Creamline Cool Smashers because we're here because of the whole team din.”

Huling naglaro si Valdez para sa bansa noong 2023 Southeast Asian Games sa Cambodia, kung saan sila ay nagtapos sa ika-apat na puwesto. Noon pa man, si coach Sherwin Meneses na rin ang humawak sa kanya — na ngayon ay coach na rin ng Creamline.

“[I'm] very overwhelmed but very excited and very happy to be able to represent. It's been a while since 2023. I'm with coach Sherwin also back in Cambodia,” dagdag pa niya.

Ang AVC Champions League ay orihinal na dapat gaganapin sa Korea pero Pilipinas na ang host ngayong taon — isang bihirang pagkakataon na gustong-gustong samantalahin ni Valdez.

“It's nice to be given that opportunity, and the only thing we could do is to bring honor and pride to the country all the time,” sabi niya.

Sa kanyang matamis na ngiti at walang kapantay na energy, muling pinatunayan ni Valdez na isa siya sa pinakamalakas — on and off the court.