April 30 — Namayagpag ang Barangay Tunasan matapos itong tanghaling kampeon sa BIDA Para Games ng Muntinlupa na ginanap sa Muntinlupa Sports Complex.

Pinatunayan ng Tunasan athletes ang kanilang husay sa iba't ibang kategorya tulad ng wheelchair basketball, athletics, at boccia, na nag-ambag sa kanilang kabuuang puntos para maagaw ang titulo sa iba pang barangay.

Layunin ng BIDA Para Games na bigyang-pugay ang kakayahan at determinasyon ng mga persons with disabilities (PWD) sa lungsod, habang pinapalakas din ang sports development program para sa kanila.

Binati naman ng lokal na pamahalaan ang mga kalahok, lalo na ang Tunasan team, at nagbigay ng suporta para sa patuloy na pagsulong ng inclusive sports sa Muntinlupa.