Setyembre 16, 2025 – Nagmarka ng makasaysayang panalo ang Alas Pilipinas matapos talunin ang world No. 21 na koponan ng Egypt sa loob ng apat na set sa kanilang laban sa FIVB Volleyball Men’s World Championship.

Hindi nagpatinag ang pambansang kuponan kahit mas mataas ang ranggo ng kalaban. Sa bawat set, nagpakita sila ng matibay na depensa at epektibong opensa na nagpahirap sa mga Egyptian spiker. Umabot sa apat na set ang bakbakan bago tuluyang maiselyo ng Alas Pilipinas ang tagumpay.

Itinuturing itong isa sa pinakamalaking upset sa kasaysayan ng Philippine men’s volleyball, dahil ngayon lang muling nakapagtala ng panalo ang Pilipinas kontra sa isang mas mataas na ranggo na koponan sa isang prestihiyosong torneo sa buong mundo.

Para sa maraming manlalaro at tagasuporta, simbolo ito ng pag-angat ng Alas Pilipinas sa internasyonal na kompetisyon. Nagbigay din ito ng dagdag na kumpiyansa para sa mga susunod nilang laban sa torneo.

Ang panalong ito ay inaasahang magbibigay ng inspirasyon sa mas maraming Pilipino na suportahan at sundan ang men’s volleyball, na patuloy na nagtatala ng bagong kasaysayan para sa bansa.

Larawan mula sa One Sports