Sa kanyang social media post, nilinaw ni Jhoanna na wala siyang intensyong mang-insulto o maliitin ang pelikula, kundi magbigay lamang ng opinyong base sa kanyang personal na karanasan bilang manonood.

“I sincerely apologize if my review of Sunshine came off the wrong way. I never meant to offend anyone, especially the people who poured their heart into the film,” ani Jhoanna.

Ayon kay Jhoanna, bilang isang performer at artista rin, naiintindihan niya ang hirap at dedikasyon na inilalagay sa paggawa ng pelikula. Ang kanyang komentaryo ay hindi umano paninira, kundi isang honest reflection ng kanyang viewing experience.

“We all have different interpretations, and I respect everyone who loved the movie. I’m learning from this and will be more mindful moving forward,” dagdag pa niya.

Habang may ilang patuloy ang pagpuna sa review ni Jhoanna, marami ring tagasuporta ang nagpakita ng pang-unawa. Pinuri siya ng ilan sa pagiging open sa kritisismo at sa kanyang mabilis na pag-aksyon upang humingi ng paumanhin.

 “We appreciate your humility, Jhoanna. It takes a big heart to admit when something went wrong,” ani ng isang fan.

Sa pagtatapos ng kanyang post, hinikayat ni Jhoanna ang publiko na mag-focus sa healthy discussions at pagrespeto sa iba’t ibang opinyon, lalo na sa mundo ng sining at entertainment.