Hindi lang para sa tao mahalaga ang oxygen—ito rin ay kritikal sa pagpapatakbo ng iba’t ibang sistema sa ating planeta. Kaya’t nang ibunyag ng NASA na ang Earth ay unti-unti nang “nauubos ang oxygen,” maraming tao ang nabahala sa maaaring maging kinabukasan.

Bagama’t tinatayang magaganap ang tinatawag na “great deoxygenation” sa loob pa ng humigit-kumulang 10,000 taon, nagsimula nang magtanong ang publiko kung ano ang mangyayari kung bumaba ang lebel ng oxygen kahit bahagya lamang.

Ayon sa detalyadong simulation ng YouTube channel na What If, kung mawawala ang 1% ng oxygen bawat segundo, ang resulta ay magiging malubha at mabilis na mararamdaman. Sa pagbaba ng 10% ng oxygen, makakaranas ang tao ng labis na pagkapagod, parang nasa matataas na lugar na manipis ang hangin. Hindi pa ito agad nakamamatay, ngunit ramdam ang hirap sa paghinga.

Kapag umabot sa 30% na bawas, magiging delikado na ang simpleng pisikal na gawain. Ang mga pasyenteng may sakit sa puso at baga ay mataas ang posibilidad na mamatay, at mga hayop—lalo na ang mga ibon—ay maaaring bumagsak mula sa himpapawid. Titigil din ang maraming electrical systems, kasama na ang transportasyon, serbisyo medikal, at sistemang pinansyal. Hindi na rin gagana ang mga sasakyang may combustion engine at maging ang mga eroplano.

Sa 50% na pagbawas, magsisimulang mag-shutdown ang utak ng tao dahil kulang sa oxygen, nagdudulot ng kalituhan, maling desisyon, at malubhang panganib sa kalusugan. Sa kapaligiran naman, maaapektuhan ang ozone layer, na magbubukas ng pintuan para sa mapaminsalang UV rays mula sa araw.

Kapag umabot sa 99% na pagkawala ng oxygen, mawawala ang lahat ng buhay—tao, hayop, at maging ang mga halaman. Ang katawan ng tao na binubuo ng 65% oxygen ay magiging parang pulpy mess, at ang mga gusali ay magdidisintegrate dahil walang oxygen na bumubuo sa kongkreto. Kahit maibalik ang oxygen, aabutin ng bilyun-bilyong taon bago muling magkaroon ng buhay.

Bagama’t malayo pa sa kasalukuyan ang prediksyon ng NASA, malinaw na kahit maliit na pagbaba ng oxygen ay may malaking epekto sa ating mundo—isang paalala na ang kalikasan ay dapat ingatan bago mahuli ang lahat. (Larawan: ChatGPT)