Oktubre 28, 2025 – Parang early Christmas gift sa K-fans! Ilang malalaking Korean stars—mula sa K-pop hanggang K-drama—ang nakatakdang bumisita sa bansa ngayong Nobyembre, para makipag-bonding sa kanilang mga Pinoy fans bago matapos ang taon.

Unang bibida si Jackson Wang, dating miyembro ng GOT7, na magtatanghal sa Araneta Coliseum sa Nobyembre 2 para sa “Magicman 2 World Tour.” Excited na ang Hong Kong-born artist na makasama muli ang mga Pinoy fans at ipakita ang kanyang bagong performances.

Kasunod nito, babalik din si Wheein ng Mamamoo para sa kanyang solo concert na “Owheece” sa SM North EDSA Skydome sa Nobyembre 8. Ito ang unang balik ni Wheein sa bansa mula nang huling magtanghal siya noong Abril 2024.

Hindi rin magpapahuli sina Nam Woo-hyun ng Infinite at eaJ (dating Jae ng Day6), na parehong may nakatakdang concert sa Samsung Hall, Taguig. Gaganapin ang “Tree High School” concert ni Woo-hyun sa Nobyembre 15, habang si eaJ naman ay magpe-perform para sa kanyang “The 1/9 Tour” sa Nobyembre 16.

Siyempre, isa sa mga pinaka-aabangang balik ay ang Blackpink! ????????

Magaganap ang Bulacan leg ng kanilang “Deadline Tour” sa Philippine Arena sa Nobyembre 22 at 23. Ito ang unang full group comeback ng girl group sa bansa mula sa “Born Pink” concert nila noong 2023.

Samantala, sa Nobyembre 23 din, bibisita si Lee Chae-min, ang heartthrob mula sa K-drama “Bon Appétit, Your Majesty.” Magkakaroon siya ng fan meeting sa New Frontier Theater.

At bilang closing act ng buwan, babalik sa bansa ang K-drama superstar Lee Jong-suk para sa kanyang “With: Just Like This!” fan meeting sa Araneta Coliseum sa Nobyembre 30.

Siguradong magiging K-mazing ang Nobyembre para sa mga Hallyu fans!