Nobyembre 20, 2025 – Patuloy na usap-usapan online ang umano’y pagbubuntis ng aktres na si Loisa Andalio sa longtime boyfriend nitong si Ronnie Alonte, matapos kumalat ang mga espekulasyon na nagsimula sa isang vlog ni Ogie Diaz kamakailan.

Sa inilabas na episode ni Diaz noong Nobyembre 7, nabanggit ng talent manager at vlogger ang isang blind item tungkol sa isang aktres na diumano’y nagdadalang-tao, at sinabing ang ama ng bata ay isa ring aktor. Bagaman walang binanggit na pangalan, mabilis na itinuro ng mga netizen ang magkasintahang sina Loisa at Ronnie bilang posibleng tinutukoy sa isyu.

Gayunman, agad ring nilinaw ni Diaz sa parehong vlog na wala siyang matibay na kumpirmasyon sa naturang balita. Ayon umano sa kaniyang source, maging ang isang kaanak ni Ronnie ay itinanggi ang mga ulat ng pagbubuntis ng aktres.

Hanggang sa ngayon, walang opisyal na pahayag mula sa kampo nina Loisa at Ronnie hinggil sa kumakalat na isyu. Hindi rin sila naglabas ng anumang update o reaksiyon sa kanilang social media accounts.

Sa kabila ng pananahimik ng dalawa, patuloy pa rin ang mga spekulasyon sa social media. Ilan sa mga tagasuporta ng tambalang LoiNie ang nanawagan na huwag agad maniwala sa mga walang basehang tsismis, lalo’t walang kumpirmasyon mula sa mga mismong sangkot.

Si Loisa Andalio ay isa sa mga prominenteng aktres ng henerasyon ngayon, kilala sa kaniyang mga proyekto sa ABS-CBN gaya ng The General’s Daughter, Love in 40 Days, at Pira-Pirasong Paraiso. Si Ronnie Alonte naman ay kasalukuyang aktibo sa Hashtag at sa ilang pelikulang gawa ng Star Cinema.

Habang walang malinaw na kumpirmasyon o pagtanggi mula sa dalawa, nananatiling blinds item lamang ang naturang usapan—isang pangkaraniwang eksena sa mundo ng showbiz na madalas nagiging sentro ng intriga at espekulasyon.

Sa ngayon, tanging panahon at opisyal na pahayag mula sa mga sangkot ang makapagpapatigil sa lumalaking isyung ito.