Nobyembre 23, 2025 – Isang matagal nang tanong sa showbiz ang sinagot na rin ni Amanda Page—bakit nga ba siya biglang nawala sa rurok ng kasikatan noong 2001? Sa kanyang pagbabalik-Pilipinas, diretsahan niyang ibinulgar sa Fast Talk with Boy Abunda ang pinakamasakit na kontrobersiyang tumulak sa kanya para talikuran ang mundo ng showbiz.

Ayon kay Amanda, ang pagkakabit sa kanya sa isang umano’y sex video scandal ang pinakamabigat na intriga na dumurog sa kanyang loob. Mas masakit pa raw ito dahil hindi man lang siya nabigyan ng pagkakataong magpaliwanag.

“Allegedly, I was in a sex video. I think that one was the most painful… people want to believe the worst about someone. I felt like I wasn’t even given an opportunity… whatever’s negative out there is what people will always believe,” emosyonal na pahayag ni Amanda.

Hindi para sa habang-buhay ang showbiz. Bukod sa kontrobersiya, inamin din ng dating aktres at dancer na hindi niya talaga nakikita ang sarili na tatanda sa showbiz. Kahit maganda ang takbo ng kanyang career, malinaw daw sa kanya na pansamantala lang ang pagiging artista.

“I was not going to grow old in showbiz. I always knew this was just a portion of my life and that I was going to move on,” chika pa niya.

Pinahalagahan ang tatlong taong tumulong sa career niya Sa kabila ng mga kontrobersiya, hindi nakalimot si Amanda sa mga taong nagbukas ng pinto para sa kanya:

• Boss Vic del Rosario – ang nagbigay sa kanya ng unang malaking break sa Viva Films.

• Maribeth Bichara – ang mentor na naghubog sa kanya bilang performer.

• Fernando Poe Jr. – na nakatrabaho niya at nagbigay ng isa sa mga pinaka-memorable na proyekto sa kanyang career.

 “I enjoyed the time I had working with him,” sabi ni Amanda tungkol kay FPJ.

Mga nagawa bago nag-goodbye sa limelight. Bago tuluyang lumayo sa spotlight, nagkaroon ng solid portfolio si Amanda Page. Ilan sa kanyang pelikula ay:

Rizal in Dapitan

Ang Probinsyano

Tatsulok

Naging bahagi rin siya ng GMA shows tulad ng SOP, Bubble Gang, at T.G.I.S.

Sa ngayon, muling nagbabalik sa bansa si Amanda—at habang wala pang kumpirmasyon kung babalik siya sa showbiz, ramdam na miss na miss siya ng fans at ng industryang minsan niyang iniwan dahil sa kontrobersiyang hindi niya pinili.