Nobyembre 27, 2025 – Kahit matagal nang low-profile si Angel Locsin sa social media, isang simpleng “babe” lang pala mula kay Joaquin Arce ang makakapagpalabas ulit sa kanya — at viral agad ang reaksyon niya!

Todo gulat ang aktres nang ipinanood ng mister niyang si Neil Arce ang eksaktong eksena sa Pinoy Big Brother: Celebrity Collab Edition 2.0 kung saan aksidenteng natawag ni Joaquin si Lella Ford ng “babe.” At siyempre, caught on cam ang priceless reaction ni Angel.

Ang accidental “babe” na ikinakilig ng madlang people

Sa weekly task ng teen housemates, napili ni Marco Masa sina Joaquin at Lella para gumanap bilang magulang niya sa kanilang mini-drama show. Habang nagbabasa ng script, biglang bitaw ni Joaquin:

 “Hatakin mo ako, babe… ay, sorry.”

Nag-smile si Lella, at dun na nagka-mini romantic glitch ang PBB universe.

Angel Locsin: “Ano daw???”

Sa IG Stories ni Neil, maririnig ang shock ni Angel habang pinapanood ang eksena.

 “ANO DAW??”

“Wait, teka lang! Ano sabi?!”

Tawa nang tawa si Neil habang hindi makapaniwala si Angel. Caption pa niya: “Uhhhhmmmmm.”

Kahit boses lang ang narinig ni Angel sa video, sapat na ito para mag-ingay ang fans — hindi lang dahil sa accidental kilig moment nina Joaquin at Lella, kundi dahil nagparamdam ulit ang actress after a long break.

Fans: “Si Joaquin at Lella pala ang susi para bumalik si Angel!”

Siksik ang comments ng fans na sabik muli makita si Angel online.

“Si Lella at Joaquin lang pala ang susi para magparamdam ulit sa social media ni Angel.”

“More Joaquin at Lella moment please — baka next time pumunta na si Angel sa PBB house!”

“Ang damoves ni Joaquin, napalabas bigla si Angel sa lungga!”

Stepmom goals pa rin. Tuloy-tuloy ang suporta ni Angel sa stepson. Kamakailan, nag-post pa siya sa X tungkol sa growth ni Joaquin sa loob ng Bahay Ni Kuya, at proud na proud itong ibinahagi ang maturity at kindness ng teen housemate.

Sinabi rin niyang completely deaf si Joaquin sa kanyang kanang tenga, kaya humingi siya ng konting understanding mula sa viewers.

Joaquin x Lella = bagong love team??? Habang tumitindi ang chemistry sa loob ng PBB house, mas tumitindi rin ang chika sa labas. At kung si Angel nga napa-react nang ganito, ano pa kaya ang susunod na eksena?

Is this a budding love team? A cute slip of the tongue? O simula na ng bagong showbiz kilig saga?

Abangan natin — dahil kung “babe” pa lang, trending na, ano pa kaya kapag “crush ko ’to”?

Larawan: Pbb/Abs-cbn