Sinabi ni dating Chief Justice Maria Lourdes Sereno na hindi angkop ang comprehensive sex education (CSE) sa konteksto ng Pilipinas, at tinawag ang programa bilang 'cultural imperialism' na isinusulong ng United Nations (UN).

“Let’s face it: it’s not compatible. Let’s find other better approaches out there. Let’s look for our own identity as a people,” pahayag ni Sereno sa isang press conference noong Martes kasama ang Philippine Council of Evangelical Churches (PCEC), gamit ang halo ng Filipino at Ingles.

“We shouldn’t have parents and their children fighting. So much is being kept from the parents, even under the bill itself, in the CSE alone… Is that future compatible with us? No,” dagdag ni Sereno na isang convenor ng NCFC at chair ng PCEC Legal Advisory and Public Policy Review Commission.

Sa press conference, iginiit ni Sereno na ang pagtulak para sa CSE sa Pilipinas ay isang hakbang na isinusulong ng United Nations Educational, Scientific, and Cultural Organization (UNESCO).

“We are an independent country. We have our own abilities. We do not need to copy others. It’s really not compatible with Filipinos. This is like a foreign invasion. What the UN is pushing on us is like cultural imperialism,” paninidigan ni Sereno.

Maliban kay Sereno, mariing kinondena din ni Pangulong Ferdinand R. Marcos Jr. nitong Lunes ang mga hindi makatwirang patakaran na iminungkahi para sa pagpapatupad ng sex education sa bansa.

“Over the weekend, I finally read in detail Senate Bill 1979. And I was shocked,” wika ng pangulo.

“I was appalled by some elements of that. All this “woke” that they are trying to bring into our system… That every child has the right to try different sexualities. This is ridiculous. It is abhorrent. It is a travesty of what sexual and sex education should be to the children,” dagdag niya.

Samantala, bubusisiin ng Department of Education (DepEd) ang programa nito sa comprehensive sexuality education (CSE), pati na rin ang mga alituntunin nito, matapos ang mga reklamo mula sa konserbatibong grupo at personalidad na nagsasabing may mga bahagi itong nagtuturo ng di-angkop na aktibidad sa mga bata.

Inihain ni Hontiveros ang Senate Bill No. 1979, o ang adolescent pregnancy prevention bill. Ang parehong bersyon nito sa Senado at Kamara ay naglalaman ng CSE, na unang inakusahan ni Sereno na may probisyon tungkol sa 'early childhood masturbation.'

Pinabulaanan ito ni Hontiveros at sinabing walang espesipikong termino na nagtuturo sa mga bata tungkol sa masturbation. Kalaunan ay binawi ni Sereno ang kanyang pahayag at umamin na walang aktwal na salita na tumutukoy sa 'childhood masturbation.'

Larawan galing sa TugmaLahat.